நித்தியை ஞாயப்படுத்தும் பதிவர்கள்

பல தெய்வ வழிபாடும் அபத்தமான புராண கதைகளும் மூடத்தனமான வழிபாட்டு முறைகளும் நிறைந்த ஒரு குறித்த சாராரின் மேலாதிக்கத்தை எவ்வித கேள்வியுமின்றி நிலைத்திருக்கச் செய்ய அயராது பாடுபடும் மார்க்கம் ஹிந்து மதம். ஒரு குறித்த பிரிவினருக்கு மட்டும் பிறப்பின் பெயரால் அதீத சலுகைகள் கிடைக்குமாறான ஒருதலைபட்சமானதும் ஏனையோரை மிகவும் துன்புறச் செய்வதும் உலகில் நடக்கும் அக்கிரமங்களை ஆண்டவனின் திருவிளையாடல் என்ற பெயரில் சகிக்கச் சொல்லும் ஒரு sadist மதம்.

எவ்வித விஞ்ஞான ஆதாரங்களும் அற்ற கட்டுக்கதைகளை நம்புவதைப் பற்றிய எவ்வித கூச்சமுமின்றிய ஒரு முட்டாள் கூட்டத்தை தன பக்தர்களாகக் கொண்டது. பிரபஞ்சத்தின் தோற்றம், உயிரின் தோற்றம், அதன் கூர்ப்பு என்ற சகலதுக்கும் ஓரளவு அறிவியல் பூர்வமாக விளக்கம் கூறக்கூடியதாக உள்ள இன்றைய நிலையிலும் தீ மிதித்தல், பறவை காவடி என காட்டு மிராண்டித் தனங்களில் ஈடுபட பக்தரை ஊக்குவிக்கும் ஒரு பிற்போக்கான மதமாகும்.

வர்ணாசிரம தர்மத்தை முக்கிய கோட்பாடாக கொண்டு அதன் வழி இன்றும் சாதியக் கொடுமைகள் எல்லா இடங்களிலும் நடைபெற காரணமாக உள்ளது இந்து தர்மம்.

1930 களில் முதலாளியம் சரிவை சந்தித்த போது ஆசியாவிலும் ஆபிரிக்காவிலும் லத்தின் அமெரிக்காவிலும் மக்கள் பட்டினியில் இருந்த போது தாம் மிகையாய் உற்பத்தி செய்த உணவுப் பண்டங்களை மண் தோண்டி புதைக்கும், கடலில் கொட்டவும் செய்தனர் முதலாளித்துவ நாடுகள். அதற்கு சற்றும் குறையாத விதத்தில் இன்று போர்களாலும், பஞ்சத்தாலும் மக்கள் சொல்லன்னா துயரங்களை அனுபவிக்கையில் கோயில் திருவிழாக்களிலும் காணிக்கையாகவும் பெருந்தொகைப் பணமும் ,நேரமும், மனித உழைப்பும் கொட்டப்படும் அவலம் நிறைந்த மனிதர் நோக மனிதர் பார்க்கும் வாழ்க்கையை வாழப் போதிப்பது இந்து மதம்.

இத்தனை அவலங்களும் தலை விரித்தாடும் ஒரு மார்க்கத்தில் மனிதனுக்கு எவ்வித நிம்மதியும் கிட்டாது என்பது வெளிப்படையானதால்தான் பெரியார் துவங்கி பல பகுத்தறிவாளர்கள் நம் சமூகத்துக்கு ஒவ்வாத இம்மார்க்கத்தை தூக்கியெறியும் பணியில் ஈடுப்பட்டிருந்தனர். ஏன் அதற்கு பல நூற்றாண்டுகளுக்கு முன்னமே சிவவாக்கியர் போன்ற சித்தர்களும் நட்ட கல்லை சுற்றி வரும் அபத்தத்தை பற்றியும் பறைச்சி , பனத்தி என சாதி பார்க்கும் வழக்கத்தையும் கண்டித்தே இருந்தனர்.

இத்தனை அநியாயங்களும் அவலங்களும் மூட நம்பிக்கைகளும் நிறைந்த ஒரு சமயத்தில் நித்தியானந்தன்கள் தவிர்ந்த வேறு எதை எதிர்ப்பார்க்க முடியும். ஆக ஆச்சரியமில்லைதான் புலனடக்கம் பற்றி போதித்த ஒருவன் கதவை திறந்து வைத்துக் கொண்டு காம லீலையில் ஈடுபட்டது.

ஏன் அவனுக்கு உணர்ச்சி இல்லையா? அவன் பாவம் இல்லையா? என்ற கேள்விகளெல்லாம் சிலர் கேட்டிருந்தனர். காமம் என்பது இயற்கையின் நியதி. பெண்களை சுகிப்பதற்கு ஆர்வமும் விருப்பமும் அனைவருக்கும் இருக்கும் அது தவறுமில்லை. ஆனால் தன குடும்பத்திற்காக 35 வயது மட்டிலேனும் திருமணமே செய்யாமல் கழிப்பறையிலே கைமைதுனம் செய்தே காலம் கழிக்கும் எண்ணற்ற இளைஞர்களுக்கு இருக்கும் புலனடக்கம் கூடவா இல்லாமற் போனது மற்றவனுக்கு புலனடக்கத்தை போதிக்கும், மிகையான காம உணர்ச்சியால் வெதும்பிக் கொண்டிருந்த ஒரு ஏழை எழுத்தாளனின் உணர்ச்சி பெருக்கை ஒரு தொடுகையால் அற்றுப் போகச் செய்த பரமஹம்சனுக்கு. ஆக இயற்கை உந்துதல் என்றெல்லாம் சாட்டு சொல்வது இந்த நாயின் செயலை பொறுத்தவரை பொருத்தமே அற்றது.

தன மதம் இப்படி வெட்ட வெளியில் கற்பழிக்கப் பட்டதை பார்த்த பின் இவன் எங்கள் மதத்தின் பிரதிநிதி அல்லன் என்ற கோஷம் அம்மதத்தின் காவலர்களிடமிருந்து வெளிப்பட்டிருக்கிறது. அப்படியானால் எது இந்து மதம்? அதன் தத்துவம், தாற்பரியங்கள் என்ன? எவனெல்லாம் போலி என்று விளக்கி முறைப்படுத்த வேண்டியதுதானே.

இன்னும் சில பேர் ஊடக தர்மம் பற்றி பேசுகிறார்கள். குழந்தைகளில் இருந்து பெரியவர்கள் வரை அனைவரும் பார்க்கக் கூடியவாறு இத ஒளிபரப்பியது தவறென்றாலும் அவ்வாறு செய்யாவிடில் இதையே கிராபிக் என்பவர்கள் நம்பியே இருக்க மாட்டனர். ஆனாலும் திரும்ப திரும்ப ஒளிபரப்பியது தவறே. இருந்தாலும் இதோடு ஒப்பிடும் பொது நித்தி செய்தது ஒன்றுமே இல்லை என்பது எல்லாம் கொஞ்சம் ஓவர்.

அடுத்து சில பேர் உங்களுக்கு எங்கேயடா போச்சு அறிவு? அவன் பிரமச்சாரி என்றானா? என எதிர் கேள்வி கேட்டு அவனை ஞாயப்படுத்துகின்றனர். அவன் மற்றவனுக்கு யோகமும், தியானமும் , பிராமச்சாரியமும் கற்பிக்கிறேன் என காசு பறிக்க கிளம்பாத வரையில் அவன் என்ன செய்தாலும் எனக்குப் பிரச்சினையில்லை. தான் பிரமச்சாரி அல்ல என்று சொல்லாத இந்த சத்தியவான் " நான் இப்படித்தான் இருப்பேன் போங்கடா" என சொல்ல வேண்டியதுதானே ஏன் ஓடி ஒளிந்தான்.


இன்னுமொரு சாரார் செயற்பட்ட முறைதான் ரொம்பவும் அருவருக்கத் தக்கதாய் போய்விட்டது. அதாவது இவனை ஞாயப்படுத்துவதற்காய் தன தொன்னூறு வயதிலும் மூத்திர சட்டியை சுமந்துக் கொண்டு கொண்டு ஊருராய் சென்று பிரசாரம் செய்தவரை இழுத்திருக்கிறார்கள். அவர் அந்திமக் காலத்தில் செய்த பொருந்தாத் திருமணம் சரி என்றால் இதுவும் சரியாம். தன் கட்சியினரிடம் நம்பிக்கை அற்ற ஒரு நிலையில் பார்ப்பனிய இந்து மதத்தின் கொடுமைகளில் இருந்து தன் மக்களை மீட்கும் அரும்பணிக்கு தான் உயிருடன் இருக்க வேண்டிய அவசியத்தை மணியம்மையே உணர்த்தி அவரை கவனித்துக் கொள்வதற்காக மட்டுமே செய்த திருமணமே இது. இத்தனைக்கும் மணியம்மை அவரை அப்பா எனத்தான் அழைப்பார். வளர்ப்பு மகளுக்கு சொத்து சேர முடியாது என்ற நிலையில் வாரிசுரிமைக்காக இதை செய்தார் என்றும் சொல்வார்கள்.
நம்மூரில் சொல்வார்கள் "கந்தனுக்கு புத்தி கவட்டிக்குல்லன்னு " பாருங்கள் பெரியார் மணியம்மைக்கு என்ன சுகம் கொடுத்திருக்க முடியுமென புலம்புகிறார். இவருக்கு எது பிரதானமாய் பட்டிருகிறது பார்த்திர்களா? ஆன்மீகப்பணி புரியும் இந்து மதத் தலைவர்கள்ளான பிரேமானந்தா தொடங்கி நித்யானந்தா (பட்டியல் பெரிதென்பதால் பெயர் தனித் தனியே பெயர் போட முடியவில்லை) வரையிலானவர்களுக்கு வேண்டுமென்றால் செக்ஸ் பெரிதாய் இருக்கலாம். ஆனால் மக்கள் விடுதலை என்ற பெரும்பணியில் ஈடுப்பட்டிருந்த பெரியாருக்கும் மணியம்மைக்கு அந்த எண்ணமே வந்திருக்காது. என்ன செய்வது இவங்க சாமி பிள்ளையாரே இங்கே பிரமச்சாரி என படம் காட்டி விட்டு வடக்கில் ரெண்டு சின்ன வீடு வைத்திருக்கையில் நித்தியும் அதைத்தான் செய்திருக்கிறார்.

என்னைப் பொறுத்தவரை இப்பிரச்சினைகள் களையப்பட வேண்டுமெனின் கொடியவர்களின் கூடாரமாய் போய் விட்ட சகல மடங்களும் அரச கண்காணிப்பின் கீழ் வர வேண்டும். அவர்களது கணக்கு வழக்குகள் பரீட்சிக்கப் பட வேண்டும் . அவர்கள் ஆன்மீக வழி பெற்ற சித்திகள் என்ன மக்களுக்கு அதில் எதை வழங்குகிறார்கள் என்பவற்றில் ஒரு வெளிப்படையான தன்மை இருக்க வேண்டும். ஜோதிடம், சாஸ்திரங்கள் என்பவற்றில் உள்ள விஞ்ஞான உண்மைகள் வெளிக்கொணரப்பட வேண்டும். அவை அவ்வாறான உண்மைகளை கொண்டிராவிடின் அவை மக்களை ஏமாற்றும் பிராடுத் தனங்களாகக் கருதி தடை செய்யப்பட வேண்டும். அப்புறம் இவ்வாறான ஏமாற்றுத் தனங்களில் ஈடுபட்டோரை கடுமையாய் தண்டிக்க வேண்டும். இவையெல்லாம் என் ஆசைகளான போதும் இவற்றின் நடைமுறை சாத்தியமின்மை தொடர்பில் அறிகிறேன். இவ்வளவு ஏன் நித்தியே இப்போது கோர்ட்டுக்கு கொண்டு போகப்பட்டால் விடுவிக்கப்படவே வாய்ப்பு அதிகம். ஆகவே ஒரே ஒரு ஆசை இவன் கோபம் கொண்ட பக்தர்களின் கும்பலுக்கிடையில் மாட்டிப்பட்டால் நினைத்தாலே இனிக்கிறது

பெருமை வாய்ந்த பிள்ளையார்

1995 ம வருடம் என்று நினைக்கிறேன் அப்பொழுது பாகிஸ்தானுக்கு சுற்றுப் பயணம் செய்திருந்த இலங்கை வரலாற்றில் என்றுமில்லாதவாறு வெற்றி மேல் வெற்றிக் குவித்துக் கொண்டிருந்த ஒரு காலக்கட்டம். எனக்கு 13 வயதளவில்தான் இருக்கும். கிரிக்கெட் வெறி தலைக்கேறியிருந்த சமயம் யாரேனும் நான் கிரிக்கெட் பார்த்துக் கொண்டிருக்கையில் சனலை மாத்தினார்கள் என்றால் தொலைந்தார்கள்.இப்படி இருக்கும் போதுதான் கிரிக்கெட் காய்ச்சலை இலகுவாய் புறந் தள்ளிய அந்த சம்பவம் நடைப் பெற்றது.

"விஷயம் கேள்விப் பட்டீர்களா? இந்தியாவில் பிள்ளையார் பால் குடிககீராறாம் tv இல காட்டினார்கள்" என்று போகிற போக்கில் ஒருவர் சொல்லிப்போனதுதான் தாமதம் அனைவரும் தெரிந்த இடத்திலெல்லாம் பால் வாங்கிக் கொண்டு வழிப் பிள்ளையார்களுக்கு கொடுக்கத் துவங்கினார்கள். எத்தனை இடத்தில் பிள்ளையார் பால் குடித்தார்? எத்தனை லீட்டர் குடித்தார் என்ற புள்ளி விவரங்கள் தெரியவில்லை. ஆனாலும் போனவர்களில் அநேகமானோர் பரவசம் ததும்பிய முகத்துடன் வந்தனர்.

அப்போதெல்லாம் சிறுவானாயிருந்த நான் அதிகம் வாசிப்பது பக்திக் கதைகளைத்தான் அதுவும் அவற்றை வாசித்து இறைவனின் அற்புதங்களை பார்த்து வியந்து ஆண்டவனே நான் என்ன புண்ணியம் செய்தேனோ இந்துவாய் பிறந்திருக்கிறேன் என்று புளங்காகிதம் கொண்டிருந்த காலம். எனக்கும் பிள்ளையாருக்கு பால் கொடுத்து பார்க்கும் சிறிய ஆர்வம் தலைக்காட்டியது. வீட்டில் என் விருப்பத்தை சொன்னப் போது அதெல்லாம் ஆச்சாரமாய் செய்ய வேண்டியது என என் விருப்பத்துக்கு தடை போடப் பட்டது. ம்ஹ்ம் வீட்டிலுருந்து வெளியே போக வழியில்லை பாலுக்கும் வழியில்லை.

அப்போதுதான் எனக்கு நந்தனாரும், தின்னனாரும் ஞாபகத்துக்கு வந்தனர் அவர்களை விட பக்தியில் குறைந்தவனா நான் என்ற எண்ணத்தோடு திட்டம் ஒன்றை தீட்டினேன். எனது மச்சானும் என்னோடு இந்த செயற்றிட்டத்தில் இணைந்துக் கொண்டான். பூஜையறை சென்று அங்கிருந்த சிறிய பிள்ளையார் சிலையை வெளியே கடத்திக் கொண்டு வந்தேன். வீட்டுக் கொல்லைப் புறத்திலே கம்புகளை ஊன்றி கோயில் போல் அமைத்து அதற்கு யூரியா உரப்பையினால் கூரை அமைத்தோம். உள்ளே களிமண்ணை குழைத்து மேடை போல் அமைத்து விட்டு அதில் விநாயகரை வைத்தோம். பிறகு கிடைத்த பூக்களை எல்லாம் பறித்து அவர் மேல் தூவி விட்டு "ஐந்து கரத்தனை ஆனை முகத்தினை" எல்லாம் பாடி விட்டு பார்த்தால் அவருக்கு கொடுக்க பால் இல்லை. பூஜையறையில் இருந்து விநாயகரை கடத்தியது போல் சமையலறையில் இருந்து பாலை கடத்துவது அவ்வளவு எளிதான ஒரு விடயமாய் இருக்க வில்லை. என்ன கொடுமை கடவுளே இது என்று நொந்தவன் பின் மெல்ல மனதை தேற்றிக் கொண்டு அடியேனின் அன்பை அறியாதவரா கடவுள் கொடுப்பதை மனமுவந்து ஏற்பார் என்ற நம்பிக்கையுடன் spoon ஒன்றை கொண்டு வந்து எங்கள் வீட்டில் toilet போகும் போது தண்ணீர் அள்ள பீப்பாய் ஒன்று வைத்திருந்தனர். அதிலிருந்து சிறிது தண்ணீர் அள்ளி பிள்ளையாருக்கு கொடுக்க என்ன ஆச்சரியம் ஒரு சொட்டு விடாமல் அவ்வளவையும் உறிஞ்சிக் குடித்தார் பிள்ளையார்.

அதிசயம் பார்க்க ஆசைப் பட்ட என் மச்சான் " பாவம் பிள்ளையாருக்கு ரொம்ப தாகம் போல" என கூறி பிள்ளையார் மேல் பலியை போட்டு விட்டு கக்கூஸ் தண்ணியை மேலும் அள்ளி அள்ளி பிள்ளையாருக்கு கொடுக்கத் துவங்கினான். அசூயை படாமல் பொறுமையாக அவ்வளவையும் குடித்தார் பிள்ளையார். சாமி காக்கூஷ் தண்ணி என சந்தேகம் கிளப்ப முற்பட்ட மச்சானை "போடா பிள்ளையார் அப்படித்தான் எளிமையானவர் சாணத்தில் பிடித்து வைத்தாலே அவர் வந்து விடுவார். கோமயம் எலாம் அவருக்கு பிடித்த அபிஷேகப் பொருள் பார்வதி குளிக்கும் போது தேய்த்ததில் உருவான ஊத்தை தானேடா அவர் அதான் ரொம்ப விரும்பிக் குடிக்கிறார் என அவன் வாயை அடைத்தேன்.

அன்று முழுவதும் எல்லையில்லா ஆனந்தத்துடன்தான் இருந்தேன். பிறவிப் பெருங்கடலை கடந்து விட்டதாயும் இறைவனுடன் விரைவிலேயே நான் இரண்டறக் கலக்கும் நாள் வரப் போவதாயும் எண்ணிக் கொண்டேன்.

அப்போதுதான் இடியென தாக்கும் அந்த செய்திக் கிடைத்தது. அதாவது சில விஞ்ஞானிகள் ஏதோ நிறமூட்டிய பாலை கொடுத்த போது பால் சிலையில் துளியாக இருந்ததைக் கொண்டு மயிர்துளைவிளைவு மற்றும் மேற்பரப்பு இழுவிசை என்பவற்றின் ஊடாக ஏதோ விளக்கமளித்து விட்டனராம். திரவ மூலக்கூறுகளை பிணைத்திருக்கும் மேற்பரப்பிழுவிசையினால்(surface tension) புவிஈர்ப்பினையும் மீறி பால் மேலேத் தள்ளப் பட அங்கிருந்து மயிர்த்துளை விளைவினால்(capillary action) பால் தொடர்ந்தும் உள்ளே செல்கின்றது என்பதே இவ்விளக்கமாகும்.

விண்வெளியில் புவியீர்ப்பு புறக்கணிக்கத் தக்க அளவில் தொழிற்படும் இடத்தில் திரவப் பானங்களை பருக மேற்படி மேற்பரப்பிழுவிசையை அவர்கள் பயன்படுத்த நாம் பிள்ளையாரைப் பால் குடிக்க வைக்க பயன் படுத்துகிறோம் இன்னதென்று தெரியாமலே.
தாவரங்களில் காழ் இழையம் வழியே தொடர்ச்சியாய் நீர் உட்செல்வதிலும்
(சாற்றேறம்) மேற்படி விடயங்கள் பங்களிக்கின்றன.

விடுவோம் விரைவிலேயே கண்களில் இரத்தம் வழிதல், வீபுதி, குங்குமம், தேன் வடிதல் போன்ற ஏதாவது செய்து பிள்ளையார் தன்னை நிருபிக்காமலா போகப் போகிறார்.

என்னை ஏமாற்றாத சாரு

இலங்கையர்களுக்கு இப்போதெல்லாம் இதைத் தவிர்த்தால் பேச எதுவுமே இல்லை போலும். அந்த அளவிற்கு அனைத்து தரப்பினரிடையேயும் இலங்கையின் ஜனாதிபதி தேர்தல் பற்றிய எதிர்பார்ப்பு ஏகத்திற்கும் எகிறியிருக்கிறது. இந்தியத் தலைவர்களை பார்த்து கூல் செய்ய முயன்றிருக்கிறார் ஜெனரல் பொன்சேகா. இங்கே இன்று மகிந்த எஸ்பியின் வீட்டுக்கு போயிருப்பது கட்சித் தாவலொன்றுக்கான அறிகுறிகளை காட்டியிருக்கின்றது. ஐக்கிய தேசிய கட்சியின் பொதுச்செயலாளர் அரசு எதிர்பாராத பல அதிரடிகள் அடுத்த வாரம் அரங்கேறும் எனக் கூறியிருப்பது நிஜமா அல்லது புலி வருது கதையா என்பது இனிதான் தெரியும்.



புலி வருது என்றவுடன்தான் ஞாபகம் வருகிறது. எந்த புலியும் வராமலே மாவீரர் தினம் நடந்து முடிந்திருக்கிறது. தமிழக பத்திரிகைகள் இனி வேறு விதமான உளவுத் தகவல்கள் தர வேண்டியதுதான். அவர்கள் வியாபாரத்திற்கு சீமான் பக்கப்பலமிருப்பார் என நம்புகிறேன். சீமான் இயக்கத்தில் விஜய் நடிக்கும் படத்திற்கு தலைவர் பெயர் வைத்தாராம். என்ன கொடுமை சீமான் இதெல்லாம்? தயவு செய்து மக்களின் உணர்வுகளை இப்படி மலினப் படுத்தி ஆதாயம் தேடாதீர்கள். திராவிடம் பேசும் மஞ்சள் துண்டு தலைவர்கள், தலித்துக்களுக்காக முழங்கிய சிறுத்தைகள் என பலரையும் நம்பி ஏமாந்த பின் இவர்.


மஞ்சள் துண்டுத் தலைவர் அரசியல் வாழ்க்கையில் இருந்து ஓய்வுப் பெறப் போகிறாராம். பெரும்பாலான தனது இலக்குகளை எட்டியிருப்பதாக தெரிவித்திருக்கிறார். ம்ம் ஒரு மகன் மத்திய அரசில் அமைச்சர், மகள் எதிர்காலத்தில் அமைச்சராக வாய்ப்புள்ள பாராளுமன்ற உறுப்பினர், ஒரு மகனை தமிழக மக்களுக்கென தாரை வார்த்தாகி விட்டது, மருமகனின் பிள்ளைகள் இந்தியாவின் முக்கிய புள்ளிகள் ஆமாம் இதெல்லாம் ticket இல்லாமல் train ஏறி வரும் போதே Plan பண்ணி வந்ததா? இல்லை பிற்காலத்தில் உண்டானா ஆசையால் விளைந்ததா?


"அளவுக்கதிகமா ஆசை படுற ஆம்பிள்ளை நல்லா வாழ்ந்ததா சரித்திரமே இல்லை" என்றார் தலைவர். மண்ணாசை,பொன்னாசை கூட பரவாயில்லை பெண்ணாசையால் நொந்து நூடுல்ஸ் ஆன காஞ்சிபுரம் மச்சேஸ்வரர் கோவில் அர்ச்சகர் தேவநாதன் பற்றி அறிந்திருப்பீர்கள். கருவறையில் பெண்களுடன்ஆபாசமாக இருந்ததோடு அதை செல்போனில் படமெடுத்து பிறகு பார்த்து ரசித்திருக்கிறார். பொதுவாகவே நம்ம சாமிகளுக்கு கொஞ்சம் கிளு கிளு உணர்வு ஜாஸ்திதான். புராணக் கதைகளை படியிங்களேன் Straight தொடங்கி incest வரையான பலான கதைகள் ஏராளம். என்ன சொல்லி என்ன இனி மேலும் நம் பெண்கள் சாமி புள்ளை வரம் கொடு என்று யாரேனும் ஒரு சாமி பின் போகத்தான் போகின்றார்கள்.


நான் சொன்ன ஒரு விடயம் பலித்திருக்கிறது. "பா" பாடல்கள் பற்றிய என் பதிவில் நிச்சயம் இந்த இசையை சாரு மட்டம் தட்டி எழுதுவார் என எழுதியிருந்தது பலித்தே விட்டது( ஆமா இதை ஊகிக்க பெரிய தீர்க்கதரிசனம் எல்லாம் வேணுமாக்கும்). ஆனால் நானே எதிர்பார்த்திராத ஆச்சரியம் அவரது நேற்றைய பதிவில். கிட்டத் தட்ட ஒரு நல்ல சிறுகதையின் முடிவில் வரும் Twist ஐப் போல. நந்தலாலாவில் இளையராஜாவின் இசை அவருக்கு ஆச்சரியமோ இல்லையோ அவர் பதிவை வாசித்த போதோ எனக்கு பெரும் ஆச்சரியம். இளையராஜா தவிர்ந்து சாருவின் ரசனையில் எனக்கு அபார நம்பிக்கையுண்டு. அதனடிப்படையில் ஏலவே மிஷ்கினில் கொண்டிருந்த நம்பிக்கையை அதிகப்படுத்தி முதலில்கமலும் இப்போது சாருவும் படம் பார்க்கும் ஆவலை அதிகப் படுத்தியிருக்கிறார்கள்.

100 பெரியார் வந்தாலும்

பாடசாலை நூலகத்தில் புத்தக அலுமாரியை புரட்டி கொண்டிருந்தேன். ஆன்மீக புத்தகங்கள் அடுக்கப் பட்டிருந்த பகுதியில் இருந்த ஒரு புத்தகத்தின் அட்டையில் பெரியார். இலேசாக அதிர்ந்தவன் யாரேனும் கவனயீனமாய் மாற்றி வைத்திருக்கக் கூடும் என்ற எண்ணத்தில் புத்தகத்தை எடுத்து புரட்டினேன். அதிலோ அழகாக புத்தக இலக்கம், புத்தகம் அடங்கும் பிரிவு என்பன விரிவாக எழுதப்பட்டிருந்தது.

"Teacher இந்த Book ஏன் இதுல வச்சிருக்கீங்க "

"ஏன் அப்ப எதுல வரும்?"

"ஐயோ Teacher பெரியார் கடவுள் நம்பிக்கையையே தீவிரமா எதிர்த்தவர்"

"அய்யய்யோ தாடி வச்சிருக்கவும் சாமியார்னு நினைச்சிட்டேன்" என்றவாறே தன அசட்டுத் தனத்தை பெரியதோர் நகைச்சுவையாக நினைத்து சிரித்தார். இன்னும் இரண்டு பெண்ணாசிரியர்களும் அவரோடு சிரிப்பில் கலந்து கொண்டனர்.

"இல்ல தர்ஷன் அத திருப்பி மாத்தி எழுதி பதிஞ்சிக்கிட்டு இருக்க ஏலாது, அதுலேயே இருக்கட்டும் யாருக்கு தெரியும்" என்றார்.

ஒரு சிந்தனாவாதியாக தன் சமூகத்தில் புரையோடியிருந்த அபத்தங்களை களைய எண்ணத்தாலும் சொல்லாலும் செயலாலும் இறுதி மூச்சுள்ளவரை உழைத்த ஒரு சமூகப்போராளி. பின்நவீனத்துவவாதிகளின் வார்த்தையில் சொல்வதாய் இருந்தால் சராசரிகளின் பொதுப்புத்தியில் உறைந்து போயிருந்த அபத்தங்களை கட்டுடைத்தவர். அப்படிப்பட்டவரை எத்தனை தூரம் நம் ஆசிரியர்களே அறிந்து வைத்துள்ளனர் என எண்ணியபோது வேதனையாக இருந்தது. மெல்ல பெரியார் தொடர்பில் நானறிந்து அவரது கருத்துக்களை உள்ளத்தில் வரித்துக் கொண்ட காலப்பகுதியை மனதுள் அசைப் போட்டு பார்த்தேன்.

சுயச் சிந்தனையை மழுங்கடிக்கச் செய்வதில் இலங்கையின் கல்வி முறைக்கு பெரும் பங்கு உண்டு. குழந்தைகளில் நல்ல விழுமியங்களை ஆன்மிகக் கல்வியின் வாயிலாக மட்டுமே ஏற்படுத்த முடியும் என்று சொல்லி சிறு வயதிலிருந்தே சிறுவர்களின் மனதில் மதத்துவேசத்தை வளர்ப்பதில் முன்னிற்பவை இவை. அவ்வகையில் என் சிறு பராயத்தில் ஆழ்ந்த மத நம்பிக்கைகளை கொண்ட ஒருவனாக இருந்த போது ஒரு முறை பெரியாரின் நூலொன்றை படித்து விட்டு பெரும் அதிர்ச்சியுற்றேன். ஹிந்து மதம் ஏனைய மதங்களை விட உயர்ந்ததாயும் அதன் புராணங்கள் சொல்லும் கதைகள் உயர்ந்த உள்ளார்த்தங்களை கொண்டதாயுமே எனக்கு கற்பிக்கப்பட்டிருந்தது. அதனடிப்படையில் எவ்வித தயவுத் தாட்சன்யமுமின்றி ஹிந்து மத புராணங்களளில் இருந்த ஆபாசங்களை எள்ளி நகையாடிய அவர் கருத்துக்கள் எனக்கு பெரும் அதிர்ச்சியை தந்தன. எனினும் என் பதின்ம வயதுகளில் சற்றே முதிர்ச்சியுடன் சமூகத்தை அணுகிய போது மதத்தின் பெயரால் நிகழும் மூட பழக்க வழக்கங்களும் ஏற்றத் தாழ்வுகளும் மதத்தின் மீதான தீவிர பற்றை இல்லாமற் செய்திருக்க நான் இலகுவாகவே பெரியார் வசமானேன். அன்றிலுருந்து இன்று வரை தொடர்ந்தும் பெரியாரைக் கற்றுக் கொண்டிருக்கிறேன். அவரின் கருத்துக்கள் எத்தனை தூரம் இன்றும் சமூகத்திற்கு அவசியப்படுகிறது என்ற வியப்பு எனக்கு அவரை வாசிக்கும் ஒவ்வோர் சந்தர்ப்பத்திலும் ஏற்படுகிறது.

ஒரு ஆசிரியனுக்கு பாடத்தையும் தாண்டி பலதையும் மாணவனுக்கு கொடுக்க வேண்டிய கடமை இருப்பதாய் நம்புபவன் நான். எனினும் என் மாணவர்களுக்கு கடவுள் நம்பிக்கை தொடர்பான தனிப்பட்ட கருத்துக்களை திணிக்க நான் முற்பட்டதில்லை. அப்படியிருந்தும் அன்றொரு நாள் O/L வகுப்புக்கு Darwin's theory படிப்பிக்கும் போது சிறப்பு படைப்புக் கொள்கை தவறு என விளக்க வேண்டியிருந்தது. Theory of Natural selection பற்றி கற்பிக்கையில் கடவுள் என்ற ஒருவரால் உயிரிகள் படைக்கப்பட்டமைக்கு எவ்வித ஆதாரங்களும் இல்லை என்று ஒரு வார்த்தைதான் சொன்னேன். இதற்கே எனக்கு அடிக்கப்போவதாயும் கொல்லப்போவதாயும் பாடசாலைக்கு மொட்டைக்கடதாசி அனுப்பி என்னை அசிங்கமாய் தூற்றி எழுதி ஆன்மிகம் வழி தாம் பெற்ற விழுமியப் பண்புகளை காட்டியிருக்கின்றனர் நம்மவர்கள்.
ம்ம் "இந்த நாடும் நாட்டு மக்களும் நாசமாய் போகட்டும் "

அவசரமாய் தேவை ஒரு பெரியார்

எனது சக ஆசிரியர் ஒருவர், அத்தனை கல கல பேர்வழி இல்லையென்றாலும் கடு கடுவென இருக்கும் ரகமும் இல்லை. ஆனால் அன்றொரு நாள் அவரைப் பார்த்த போது இஞ்சி தின்ற ஏதோ போல் வழமையை விடவும் அகோரமாய் இருந்தார்.

சரி வீட்டில் ஏதோ உள்நாட்டு கலவரம் போலும் என எண்ணியவாறே அவரைப் பார்த்து சிரித்து வைத்தேன். பதிலுக்கு சிரிக்க மறுத்தவர் ஆவேசமாக
" பாருங்க sir அநியாயத்த" என்றார்.

இலங்கையில் அநியாயத்துக்கா பஞ்சம் அதில் ஏதோதான் இவர் மனதை வாட்டியிருக்கக் கூடும் என்ற எண்ணத்தோடு
" என்ன sir ஏதும் பிரச்சினையா? " என்றேன்.

" பாருங்க sir இந்த லயத்தான்களே இப்படித்தான் காசு கொடுத்தா பொண்டாட்டிய கூட கூட்டிக் கொடுப்பாங்க போல"
ஆஹா ஆள் ஆவேசப்படுவதைப் பார்த்தால் மேட்டர் பெருசா இருக்கும் போல என எண்ணியவாறே

"என்ன sir" என்றேன்.

" கொஞ்ச நாளா ஏதோ ஒரு கிருத்துவ அமைப்பால இங்க வந்து போதனை எல்லாம் பண்ணுனாங்க இல்ல இப்ப கொத்தா ஒரு இருபது குடும்பம் அப்படியே மதம் மாறிட்டாங்க"
என தலையில் கை வைத்தார்.

அட இதுக்கா இந்த ஆள் ஏதோ தன் வீட்டில் எழவு விழுந்தது போல் பதறினார் என நினைத்த போது சிரிப்புத்தான் வந்தது. உதட்டோரம் அரும்பிய புன்னகையோடு
" இவ்வளவுதானா இதுக்கு போய் நீங்க ஏன் இவ்வளவு கவலைப் படுறீங்க நானும் ஏதோ உங்களோடுதான் ஏதோ பிரச்சினைன்னு நினைத்தேன்"

"என்ன sir கொஞ்சமும் பொறுப்பில்லாம பேசுறீங்க நீங்க எல்லாம் ஒரு ஹிந்துவா எங்கட கலாச்சாரம் என்ன ஆகுறது"

பாவம் ஆரியர் எம்முள் புகுத்திய இந்த மதம்தான் திராவிடராகிய நம் கலாசாரத்தின் அடிப்படை என்ற கருத்தில் அவர் இருந்தார். எங்கே தமிழர்கள் எல்லாம் மதம் மாறி கோடு சூட்டும் நுனி நாக்கு ஆங்கிலமுமாக தேவாலயங்களுக்கு செல்லத் தொடங்கி விடுவரோ என்ற ரீதியில் அதீதமாய் கற்பனை செய்து பயந்தார்.

திடீரென கசிப்பு அடித்தவரை போல் தகாத வார்த்தைகளால் தோட்ட மக்களையும் ஏனைய மதங்களையும் தூஷிக்க தொடங்கினார்.
எப்போதும் தனது மதம் தனக்கு நல்ல விழுமியங்களை கற்றுத் தந்திருக்கிறது என்று பிதற்றும் அவருக்கு சகிப்புத்தன்மை என்று ஒன்று இருப்பது தெரியாமல் போனது எனக்கு ஆச்சரியத்தை தந்தது.

மதம் இத்தனை sensitiveவான விடயமா? அவரது ஆவேசம் சிவசேனா போன்ற கட்சியினரையும் தோற்கடிக்கும் விதத்தில் இருந்தது. ஒரு கணம் பால் தாக்கரே உடன் பேசுவதாகவே உணர்ந்தேன். இவர் என்ன வேதங்களையும் உபநிஷதங்களையும் புராணங்களையும் கரைத்துக் குடித்து அனுபவ வாயிலாக கடவுளை உணர்ந்து அக்கடவுளின் அருட்கடாட்சம் உலக ஜீவராசிகள் அனைத்துக்கும் பாரபட்சமின்றி வழங்கப்படும் அற்புதத்தை உணர்ந்தவர் போல் பேசுகிறாரே என நினைத்த போது கோபம்தான் வந்தது.

" ஏன் அவர்கள் செய்ததில் என்ன தப்பு தனக்கு நிம்மதியை தரவல்லதை கடவுள் என்கிறார்கள். தான் சார்ந்த மதத்தில் அது கிடைக்காத போது மதம் மாறுகிறார்கள். மதங்களால் அழிவுகளேயல்லாமல் ஏதேனும் உபயோகமாய் நடந்ததாய் கேள்விப்பட்டிருப்போமா. அப்படியிருக்க இதை ஏன் இத்தனை பெரிது படுத்த வேண்டும். அதுவும் ஒரு ஆசிரியர் இந்த மாதிரி super natural powerஐ நம்பி சக மனிதர்களை தூஷிப்பது சரியா?"
என்றேன்.

" science teachersஏ இப்படித்தான் சாமியை கிண்டல் பண்றதுல ஒரு பெருமை போங்க sir உங்க விஞ்ஞானத்தால எல்லாம் கடவுளை உணர முடியாது"

" சரி அப்படியே வைத்துக் கொள்வோம் எம்மால் உணர முடியாத கடவுள் பெயரால் சதுர்வர்ணங்கள் ஏற்படுத்தப் பட்டு அதன் பெயரால் இழிநிலைக்கு உள்ளாக்கப்பட்டோர் அதை மீறத் துணிவதில் என்ன குறையைக் கண்டீர்கள். கஷ்ட படுபவனை கைத் தூக்கி விடாது விதி, சஞ்சிதம், ப்ராப்தம், ஆகாமியம் என அவன் துயரத்தை ஞாயப் படுத்துவீர்கள். எங்கேயடா கடவுள் என்றால் இது கலியுகம் வரமாட்டார் அது இது என மழுப்புவீர்கள். ஏதோ ஒரு காட்டுமிராண்டி காலத்தில் சொல்லப்பட்ட படு பிற்போக்கான சாத்திரங்கள் எல்லாவற்றையும் ஆதி அந்தம் இல்லா ஆண்டவன் அருளியது என தலையில் வைத்து கொண்டாடுவீர்கள். அர்த்தமே தெரியாத மொழியில் யாரோ அர்ச்சிக்க தட்சனை மட்டும் போட்டுவிட்டு வருவீர்கள்.
குறைந்த பட்சம் அங்கே ஞான ஸ்நானம் செய்வித்து தன் மதத்திலாவது சேர்த்துக் கொள்கிறான். நீ சூத்திரன் ஒரு பிறப்பாளன் தீட்சை எல்லாம் பெற முடியாது என சொல்லும் மதத்தில் என்னா மயிருக்கு sir இருக்கணும்."

இத்தனை ஆவேசத்தை அவர் என்னிடம் எதிர்பார்க்க வில்லை. என்னை மிக வெறுப்பாய் பார்த்தவர் சொன்னார்.

" நம்ம அம்மா ஒரு ****** ஆகவே இருந்தாலும் அம்மா அம்மாதானே"
இதனை கேவலமாய் ஒரு உவமை சொல்லவும் அவருக்கு மதம்தான் கற்றுக் கொடுத்திருக்கிறது போல. இதற்கு மேல் அவருக்கு விளக்கம் சொல்ல என் மனம் இடம் கொடுக்கவில்லை. எனக்கென்றால் புரியவில்லை இதற்கெல்லாம் ஏன் இத்தனை முக்கியத்துவம் கொடுக்கின்றார்கள் என்று. என் மனம் சொன்னது இங்கேயும் தேவை உடனடியாய் ஒரு பெரியார்