வேட்டைக்காரனை எதிர்க்கத்தான் வேண்டுமா?

இலங்கை திரையுலகின் முக்கிய நடிகர்களில் ஒருவர் ஜேக்சன் என்தனி இயக்குனர் ,மேடை நாடக நெறியாளர்,தொலைகாட்சி அறிவிப்பாளர் எனப் பன்முகங்களையும் கொண்டவர். ஒருமுறை நேத்ரா டிவியின் நான்காம் பரிமாணம் நிகழ்ச்சியில் கேள்வியொன்றுக்கு தான் உலகிலேயே சிறந்த நடிகர் என்று கருதுபவரும் சிறந்த இயக்குனர் என்று கருதுபவரும் தமிழ்நாட்டிலேயே உள்ளனர் என்றார். அவ்வாறு அவரால் சுட்டப்பட்டவர்கள் கமல் மற்றும் மணிரத்னம்.


ரஞ்சன் ராமநாயக்க சிங்கள சினியுலகின் சூப்பர் ஸ்டார், சப்ரகமுவ மாகாண எதிர்க்கட்சி தலைவர் ஒவ்வொரு முறை ரஜினி படங்களை ரீமேக்கி என்னைப் போன்றவர்களின் வயிற்றெரிச்சலுக்கு ஆளாகுபவர். ஒருமுறை அவரது பிரபலம் தொடர்பிலான கேள்வியொன்றுக்கு பதிலளிக்கையில் அவர் சொன்னது Popularity என்றால் என்னவென்று ரஜினி படங்களைத் திரையரங்கில் பாருங்கள் தெரியும் என்பதாக இருந்தது. இன்னொருமுறை தமிழகத்தில் ஏதோ ஷூட்டிங்கில் பங்குபற்றிய அவர் ரஜினி நடிக்கும் மண்ணில் நான் நடித்தேன் என்பதே பெருமை என இங்கு நெகிழ்ந்திருந்தார்.
இவ்வளவு ஏன் நாம் பெரிதாக Mind பண்ணாத சப்பை பிகர்களான பூஜா,மோனிகா போன்றோருக்கு எல்லாம் இங்குள்ளப் படங்களில் எல்லாம் Title role.


இராஜ் வீரரத்ன என்பவர் இங்குள்ள இளம் தலைமுறை இசைக்கலைஞர். ஒரு பாடகர்,Composer என்பதையும் தாண்டி நல்லதொரு Sound engineer இவரது mixing இல் வரும் பாடல்கள் அவற்றின் தொழிநுட்பநேர்த்திக்காகவே ரசிக்கப்படுபவை. ஒருமுறை சிங்கள டிவி நிகழ்ச்சியில் W.D. அமரதேவவுக்கான பாராட்டு விழா, ஏ.ஆர். ரஹ்மானின் இசை நிகழ்வு எதற்கு போவீர்கள் என்ற கேள்விக்கு இவர் சற்றும் யோசிக்காமல் தந்த பதில் ரஹ்மானின் இசை கச்சேரிக்கு. அமரதேவ லேசுப்பட்ட ஆளில்லை இலங்கையின் மிக மூத்த முதிர்ந்த இசைக்கலைஞர். இந்திய மத்திய அரசின் பத்மஸ்ரீ விருதுப் பெற்ற ஒரே ஒரு இலங்கையர். ஆனால் இராஜின் பதிலால் இங்கு எவரும் உணர்ச்சி வசப்பட்டு பேசவில்லை. கலை அரசியல் இரண்டையும் வேறுப்படுத்தி பார்க்கும் மன முதிர்ச்சி அவர்களுக்குஇருக்கிறது.

ஆனால் இராஜ விஜய் ஆண்டனியோடு சேர்ந்து பங்காற்றுகின்றார் என்றவுடனே ஏராளம் எதிர்ப்புகள் இவ்விதமான எதிர்ப்புகளுக்கு எல்லாம் அஞ்சி நம் சமூகம் படம் பார்க்காமல் இருக்காது. ஏன் இலங்கையில் மட்டும் அறியப்பட்டிருந்த இராஜுக்கு இது நல்லதொரு விளம்பரமும் கூட . நான் மேற்சொன்ன சிங்களவருக்கு இருக்கும் பெருந்தன்மை ஏன் இல்லாமல் போனது நமக்கு? அதுவும் இது தொடர்பான பதிவுகளில் உள்ள வாசகங்களைப் பாருங்களேன் எத்தனை துவேசம். அவர் ராணுவ வீரர்களை பாராட்டி பாடல் பாடி விட்டாராம். தீர்க்கமான சந்தர்ப்பமொன்றில் தான் சார்ந்த தேசத்துக்கு அவர் செய்தது அது. நாமும்தான் அப்படியான விடயங்களைச் செய்தோம். இராஜ் வேண்டாம் என்கிறார்களே. சீமான் கூடத்தான் இரட்டை அர்த்தப்பட தம்பி எனப் பெயரிட்டு படமெடுத்தார். மாதவனும் புலியும் ஒன்றாய் உறுமுவது போல பானருடன் படம் இலங்கையிலும் திரையிடப்பட்டதுதானே. அதில் நடித்த பூஜா பின் சிங்களப் படங்கள் நடிக்க வில்லையா?


தமிழருக்காய் மேடைகளில் மௌன விரதமிருந்த பாரதிராஜா "கண்களால் கைது செய்" படமெடுத்த பின் படப்பிடிப்பில் தந்த ஒத்துழைப்புக்காக அரசு சார்பு அமைச்சர் ஆறுமுகம் தொண்டமான் அவர்களுக்கும் ஏனையோருக்கும் நன்றி எல்லாம் தெரிவிக்கவில்லையா. அந்த படத்தில் சனத் குணத்திலக்க நடிக்க வில்லையா? என் ஞாபகம் சரியாக இருந்தால் பதிவர் லோஷன் அண்ணா அந்நேரம் பாரதிராஜாவை பேட்டிக் கண்டிருந்தார்.

இது எல்லாம் கலை ஐயா தயவு செய்து இதை அரசியலாக்காதீர்கள் நாம் தமிழர்கள் வெறுப்பு என்றால் மிக ஆக்ரோஷமாகக் காட்டுகின்றோம். சில நேரங்களில் ரொம்பவும் குழைந்து உணர்வு ரீதியான அடிமைகளாய் மாறி விடுகிறோம். இது மட்டுமில்லாமல் கல் தோன்றி மண் தோன்றா என்கிற உயர் மனோபாவமும் இருக்கின்றது ( அல்லது இது மித மிஞ்சிய தாழ்வுச் சிக்கலின் பிரிதொரு வகையான வெளிப்பாடு) . தனியே தமிழரின் வரலாறு,சாதனைகள், என்பவற்றை அவர்களது உயர் மனோபாவத்தொடு ஒப்பிட்டு ஆய்வுக்குட்படுத்தினால் நகைப்புக்குரியதாக இருக்கும் என்பது என் எண்ணம்.

வேட்டைக்காரன் பிடிக்கவில்லையா அதை நிராகரிக்க அவரவருக்கு தனிப்பட்ட காரணங்கள் இருக்கும். பார்க்காமல் விடுங்கள். இவ்வாறான பிரசுரங்கள் எனக்கென்றால் உடன்பாடில்லை. கருத்து திணிப்புகள் நம் நிலைக்கு பிரதான காரணங்களில் ஒன்று. கிட்டத் தட்ட சுயச் சிந்தனையே மறந்து விட்ட நிலையில் இனியேனும் அவனை சிந்திக்க விடுங்கள் ஐயா. இதை விடுங்க சின்ன விடயம் அடுத்து ஜனாதிபதி தேர்தலில் பாருங்களேன் அவனுக்கு போடு இவனுக்கு போடுன்னு ஏக களேபரமாக இருக்கும்

அப்புறம் ஒன்று நானும் இராஜின் ரசிகன்தான் எனக்கு பிடித்த சிலப் பாடல்களின் தொடுப்பு. கீழே பாடல் மட்டுமல்ல காட்சியமைப்புகளைப் பாருங்கள் ஒவ்வொன்றும் ஒரு குறும்படம் போல அத்தனை அழகு. வரிகள் புரியா விட்டாலும் இசை மற்றும் காட்சிகள் பொருளுணர்த்தும். அதிலும் அந்த மூன்றாவது பாடலின் காட்சிகளை பாருங்களேன் எனக்கு ரொம்பப்பிடிக்கும். நான்காவது பாடல்தான் தங்கத் தாமரை ஆனது. இதிலே தினேஷ் கனகரத்தினம் அமைச்சர் புத்திரசிகாமணியின் மகன் Bone killer ஆகியோரும்தான் இதில் பங்கேற்றுள்ளனர் அப்ப அவர்களுக்கும் ஆப்பா?


http://www.youtube.com/watch?v=y7Rin2vAzSM

http://www.youtube.com/watch?v=oeOGAiz24RU

http://www.youtube.com/watch?v=TLigScK6C3g

http://www.youtube.com/watch?v=jHWlRsIKnv8

ரஜினி என் பார்வையில் சிறந்த 10 படங்கள் பாகம் 2

நெற்றிக்கண்


சிவப்பு ரோஜாக்கள், சொல்லத்தான் நினைக்கிறேன் போன்ற படங்களில் கமல், மன்மதனில் சிம்பு என பல play boy பாத்திரங்கள் பார்த்திருப்போம். அவர்கள் இளமையும் சில அசாத்திய திறமைகளும் கொண்டவர்களாக அதில் சித்தரிக்கப் பட்டிருப்பார்கள். ஆனால் அறுபதைக் கடந்த ஒருவர் இளம்பெண்களை எல்லாம் மடக்குகிறார் என்ற கதைக்கு நம்பகத் தன்மையை ஏற்படுத்த வேண்டுமென்றால் அவர் எத்தனை அசாதாரணமான கவர்ச்சியைக் கொண்டிருக்க வேண்டும். அதற்கு நம்ம தலைவரை விட்டால் பொருந்திப் போகக் கூடிய இன்னொருவர் இருந்தால் சொல்லுங்கள்


நல்லவனுக்கு நல்லவன்


அதிரடி நாயகன் ரஜினி கொஞ்சம் அமைதியாகவும் நடித்திருப்பார். தலைவருக்கு வயதான வேடமும் கோட் சூட்டும் போட்டு விட்டால் ஒரு தனி மிடுக்கு வந்து விடும் அதற்கு இந்தப் படமும் விதி விலக்கல்ல. எதிர் நாயகனாக கார்த்திக். முத்துராமனும் போக்கிரி ராஜாவில் வில்லனாய் நடித்திருப்பார் அப்பா,மகன் இருவருமே ரஜினிக்கு வில்லனாகி இருக்கிறார்கள். தலைவருக்கு சிறந்த
நடிகருக்கான Film fair விருது கிடைத்த படம்.

தளபதி


தனிப்பட்ட ரீதியில் எனக்கு பிடித்த ரஜினிப் படம். பல ரஜினி படங்கள் அவருக்காக மட்டுமே பார்க்கத்தக்கது. இதிலோ மம்முட்டி,இளையராஜா,சந்தோஷ்சிவன்,மணிரத்னம் எனப் பெரும் படை. தலைவர் அதற்கு தளபதி. சினிமா ஒரு Visual media வசனங்கள் அல்லாமல் பல விடயங்கள் காட்சிகளிலேயே சொல்லப் பட வேண்டியது அவசியம். சிவாஜி காலத்தில் மேடை நாடகங்கள் அப்படியே எடுக்கப் பட்டாலும் அவ்வாறில்லாமல் ஒரு சினிமா பார்க்கும் உணர்வைத் தந்த தமிழ்ப் படம். பல காட்சிகளில் வசனமே இல்லாமல் Close up ஷாட்களில் வேறு தலைவர் நடித்திருப்பார்.சின்ன சின்ன முகப்பாவனைகளால் மட்டும். இந்த நடிகரை சரியில்லை என்று சொல்பவர்கள் மேலும் என்ன எதிர்பார்க்கிறார்கள் என்பதுதான் தெரியவில்லை.

அண்ணாமலை


இப்போது பார்த்தாலும் Fresh ஆகா இருக்கும் படம். எப்படியும் முப்பது தடவைகளுக்கு மேல் பார்த்திருப்பேன். ஒரு commercial படம் எப்படி இருக்க வேண்டுமென்பதற்கு சிறந்த உதாரணம். ஜிப்பா அணிந்து பட்டை அடித்த அந்த கெட் அப்பை எத்தனை பேர் கொலை வெறியோடு மீள போட்டு சந்தோஷப் பட்டிருக்கிறார்கள். 96 தேர்தலிலே தமிழ் நாட்டையே கலக்கிய கெட் அப் அல்லவா? சுரேஷ் கிருஷ்ணாவின் சிறந்தப் படைப்புகளில் ஒன்று. முதல் பாதி நகைச்சுவை பின்பாதி அதிரடி என சிறப்பாய் போகும். படத்தில் எதுவும் அவசியமின்றி எதுவும் இருக்காது. படத்தின் வேகத்திற்கு தடை ஏற்படுத்தக் கூடிய ரஜினி குஷ்பூ காதல் காட்சிகளை நகைச்சுவையாய் ஒரு சில காட்சிகளிலே சாமர்த்தியமாய் முடித்திருப்பார் இயக்குனர். அது எப்படி கல கலவென பேசும் அப்பாவித் தனத்தையும் பிறகு ஒரு சீரியசான முகத்தையும் இவரால் மட்டும் இத்தனை இலகுவாய் கொண்டு வர முடிகிறது. இந்த ரகசியத்தைப் பிடிக்கத்தானே பல வான்கோழிகள் சிறகு விரித்து ஆடுகின்றன. இதை எல்லாம் உணராதவர் போல பரத்தை வைத்து சுரேஷ் கிருஷ்ணா தன் படத்தை தானே கொலை செய்தது ம்ம்.

பாட்ஷா

Same Suresh krishna இப்போதெல்லாம் நிறைய நடிகர்கள் இந்தப் படப் பாதிப்பில் நடிப்பை மறந்து விட்டு கூட்டமாய் நடப்பதில் ஆர்வம் காட்டுகின்றனர். அண்ணாமலைக்கு சொன்னவை நிறைய இந்தப் படத்திற்கும் பொருந்தும். நிறைய பேரின் All time favourite இல் இந்தப் படம் கட்டாயம் இருக்கும். "ஒரு தடவை சொன்னா நூறு தடவை சொன்ன மாதிரி" காலத்தை வென்ற பஞ்ச். ரகுவரன்,ரஜினி compination இல் காட்சிகள் அசத்தல் ரகம். ரஜினியை தெரியாத ஒரு குழந்தை படத்தைப் பார்த்தால் அடுத்த நாள் அதன் வாயில் ஆட்டோக்காரன் பாடல்தான்.

முதல் பாகம் கிளாஸ் என்றால் இரண்டாம் பாகம் மாஸ் என்று நினைக்கிறேன். இவ்வாறான கலவையான ரசனைகள் ஒவ்வொருவருக்கும் தேவைதான். ரஜினி ஒரு சிறந்த பூரணமான நடிகர் இன்றைய பிறந்த நாளில் அவரிடம் ஒரே விண்ணப்பம்.
மசாலாவையும் தாண்டி அற்புதமான நடிப்பாற்றலை வெளிப்படுத்தக் கூடியவர் ரஜினிகாந்த். ஆரம்பத்தில் மசாலாப் படங்களிலேயே நடித்த அமிதாப் சூர்யவம்சத்துக்கு பிறகு தன் பாதையை மாற்றியது போல தலைவரிடம் இருந்தும் அவர் விருதுகளை வாங்கிக் குவிக்கும் அந்த அற்புதமான Second innings ஆரம்பிக்க வேண்டும்அவ்வளவே.

ரஜினி என் பார்வையில் சிறந்த 10 படங்கள்

ரஜினி


என்னதான் பதிவர்கள் வருத்தெடுத்தாலும் தமிழ் சினிமாவின் தலையாய நடிகர் இவர்தான் என்பதில் எள்ளளவும் சந்தேகம் தேவையில்லை. சினிமா பற்றிய தீவிரமான பிரக்ஞை இல்லாத காலத்தில் திரைப்படங்கள் எனக்கு அறிமுகமான ஆரம்ப கால கட்டத்தில் அப்பாவின் மடியிலமர்ந்து நான் திரைக்கூடங்களில் பார்த்த பல படங்களில் இன்னமும் எனக்கு ஞாபகம் இருக்கும் பல படங்கள் இவர் நடித்தது. என் தந்தை காலமான பின் தியேட்டர் சென்று படம் பார்க்கும் வழக்கம் குறைந்து போனாலும் நான் வளர்ந்து நண்பர்களோடு மீண்டும் திரையரங்குகளுக்கு செல்லும் காலம் வந்த போது(கிட்ட தட்ட பத்து வருடங்களுக்கு பின்) பலரின் ஏகோபித்த தெரிவாக அதே பொலிவோடு அவரே திரையை நிறைத்திருந்தார்.

எல்லோரையும் போல ஆரம்ப காலக் கட்டங்களில் அவரது ஸ்டைல் நடிப்புக்கும் சண்டை காட்சிகளுக்கும் மட்டுமே நானும் ரசிகனாயிருந்தேன். இவரது படம் பார்த்து நண்பர்களுக்கு கதை சொல்வது அலாதியான சந்தோஷத்தை தருவதாக இருந்தது. சற்றே வளர்ந்து நடிகர்களின் உடல் மொழியையும் வசன வெளிப்படுத்துகையையும் ஊன்றி கவனிக்க தொடங்கிய காலத்திலும் ரஜினி எனக்கு ஒரு நல்ல நடிகராகவே காட்சி தந்தார்.

அப்படி அவர் நடிப்பால் என்னைக் கவர்ந்தப் பத்துப் படங்கள். படங்கள் வெளிவந்த கால வரிசைப்படி பிறகு தரத்தை வைத்து எல்லாம் தலைவர் படங்களை வரிசைப்படுத்த இயலுமா

மூன்று முடிச்சு


நம்பியார், P.S. வீரப்பா என் ரசிகர்கள் வில்லனைக் கண்டு பயந்திருந்த சந்தர்ப்பத்தில் மிக ஸ்டைலிஷாக குத்தல் பேச்சுக்களால் மூன்று முடிச்சில் ஸ்ரீதேவியையும் மிரட்டி ரசிகர் மனங்களை கொள்ளைக் கொண்ட முதல் வில்லன் இவராய்தானிருக்கும்.கொஞ்சம் வன்மம்,காமம்,பொறாமை,குற்றவுணர்வு,எப்போதாவது தலைதூக்கும் கொஞ்சமே கொஞ்சம் மனிதாபிமானம் எனக் கலவையான உணர்வுகளை கலந்துக் கட்டிஅடித்திருப்பார்


புவனா ஒரு கேள்விக்குறி


படமே நாம் எதிர்பார்க்காததுதான்
பிறகு பால் வடியும் முகமுடைய சிவகுமார் வில்லன் அதுவரை பெண்களை மிரட்டிய கருப்பு ரஜினி நல்லவர் படம் ஆரம்பிக்கும் போது ரஜினிதான் சிவகுமார் வேடம் செய்வதாக இருந்ததாம் அப்போது பெரிய நடிகரான சிவகுமார் சொன்னாராம் வில்லன் வேடமென்றால் இந்த மனுஷன் ஸ்கோர் செய்து விடுவார். அதை நான் செய்கிறேன் என. ஆனால் எல்லாம் எதிர்மாறாய் நடந்து விட்டது.

முள்ளும் மலரும்


இதுவும் தங்கைப் பாசத்தைப் பற்றிய படம்தான். ஆனால் பாசமலர் அபத்தங்கள் இதிலில்லை. இன்றளவும் தமிழ் சினிமாவின் சிறந்த இயக்குனராக கருதப்படும் மகேந்திரனின் படம். படம் வெளிவந்தக் காலத்தில் மகேந்திரன் சொன்னது ரஜினி அளவு இயல்பாக நடிக்கக் கூடிய நடிகர் இந்தியாவிலேயே கிடையாது. கையிழந்த ரஜினியை சரத்பாபு வேலையை விட்டு நிறுத்தும் போது கண் கலங்க குரல் பிசிற ஆனாலும் ஈகோவை விட்டுக் கொடுக்காமல் " ஒரு கையும் ஒரு காலும் இல்லனாலும் இந்த காளி பொழச்சுக்குவான் கெட்டப் பய சார் அவன்" என்பாரே இன்று ரஜினி வழியில் சூப்பர் ஸ்டார் ஆகிறோம் என்று சொல்லும் நடிகர்களில் யாரேனும் ஒருவர் இதைப் போல நடித்தால் ம்ம் வாய்ப்பிருப்பதாய் எனக்குப்படவில்லை

ஜானி


இதுவும் மகேந்திரன் படம்தான். ஆனால் முள்ளும் மலரும் போல் அல்லாமல் சில வர்த்தக சமரசங்கள் உண்டு. தன் தாய்க்காக சட்டத்துக்கு புறம்பாக,மனசாட்சிக்கு விரோதமாக காரியமாற்றும்,தன்னை ஒத்த ரசனைகளைக் கொண்ட ஸ்ரீதேவியை காதலிக்கும் மென்னுனர்வுகளைக் கொண்ட இளைஞன் ஜானியாகவும்
தனிமையில் உழலும், சுயநலம் மிகுந்த,கஞ்சத்தனமான, பெண்களை வெறுக்கும் வித்தியாசாகராகவும் தலைவர் இரு வேடங்களில் நுணுக்கமான வேறுபாடுகள் காட்டிநடித்திருப்பார்.
படத்தின் உச்சக்காட்சியில் ஸ்ரீதேவிக்கு தன் திருட்டுத் தனம் தெரியும் என்பதால் அவரை பார்க்கையில் வெட்கம் கலந்து சிரிப்போடு குனிந்துக் கொள்வார். ரிஷியில் சரத் இதை கொப்பி செய்ய முயன்றிருப்பார் அவ்வவ்வ்வ்வவ்வ்வ்வ் வெறுத்துப்போய்விடும்.

தில்லு முல்லு


இந்தப் படம் பார்க்க பிரத்தியேகமான மனநிலை எல்லாம் தேவையில்லை. எப்போது பார்த்தாலும் மனதில் குதுகலம் ஒட்டிக் கொள்ளும். இன்று வரை வெளியான மிகச் சிறந்த காமெடி படங்களில் இதுவும் ஒன்று. வசனங்கள் படத்தின் பெரிய பலம் கூடவே தேங்காய் ஸ்ரீனிவாசன். தலைவரின் Dialogue delivery மிகச் சிறப்பாய் இருக்கும்.அங்கங்கே மிகை நடிப்பு எட்டிப் பார்த்தாலும் comedy படத்தில் அதை தவிர்க்க முடியாது பலதடவை சலிக்காமற் பார்க்கச் செய்யும் படம்


ஒரு ஐந்து இதோ இருக்கிறது டைப் செய்து முடித்து அடுத்த பதிவாக இன்னும் சற்று நேரத்தில் பாகம் ரெண்டு

இரயில் பயணங்களில்

தலைப்பு டி.ஆர் படப் பெயராக இருப்பதால் கரடியைக் கண்டவர்களைப போல ஓடி விட வேண்டாம்.

இது நம்ம கதை
நாம் என்னதான் நிகழ்காலத்தில் வாழ வேண்டுமென கூறிக் கொண்டிருந்தாலும் எதிர் காலத்தை பற்றி கனவு காண்பதிலும் இறந்த காலத்தை எண்ணிப் பார்ப்பதிலும் உள்ள சுகம் வேறெதிலும் இருப்பதாக தெரியவில்லை.

அதிலும் காதல் ஒருதலை, இருதலை ,முக்கோண அட கள்ளக் காதலாயிருந்தாலும் அந்தளவிற்கு மகிழ்ச்சி தரும் வேறெதுவும் இருப்பதாக தெரியவில்லை. நாம் Testosterone, oxytocin, என்பவற்றின் ஆக்கிரமிப்பில் கவலை மறந்திருக்கும் அந்த இனிமையான காலம்

அண்மையில் தனியார் வகுப்புக்கு Notes தயார் செய்ய பழைய A/L notes நோண்டிய போது ஒரு கொப்பியில் இருந்தது இந்த கவிதை(அப்பெல்லாம் இத அப்படிதான் சொன்னேன் இப்ப அது சரியான்னு நீங்க பார்த்து சொல்லுங்க )
இன்னமும் கொஞ்சம் இருந்தது இதற்கான வரவேற்பை பார்த்து அவற்றையும் மெல்ல பதிவிடலாம் என நினைக்கிறேன்.


அலாரம் இன்றியே அலறிப்
புடைத்து எழுந்தேன்
காலைக் கடன் தொடங்கி
அனைத்துமே வெகு அவசரமாய்
என் வீட்டு நிலைக் கண்ணாடிக்கோ
அன்று வேலைப் பளு அதிகம்
இன்று உன்னைப் பார்க்கப் போவதால்

அவசரமாகவே வந்துவிட்டேனோ
பார்க்கும் போதெல்லாம்
கடிகார முள் அதே இடத்தில்
அசையாமல்
காத்திருப்பும் சுகம்தான்
உனக்காக காத்திருப்பதால்

வலது தோளில் புத்தகப்பை
நிலத்தை அளக்கும் விழிகள்
எண்ணி எண்ணி அளவாய்
எடுத்து வைக்கும் அடிகள்
அன்னம் உன்னிடம்தான்
நடை பழகி இருக்கும்

நன்றாயிருப்பதாய் பொய்
சொன்னேன்
நீ நலம் விசாரிக்கும் போது
மலர்ந்த உன் முகம்
சிநேகமாய் வருடும் உன் புன்னகை
இசையாய் தாலாட்டும் உன் வார்த்தை
இன்னும் கொஞ்ச நேரம்
தொடரட்டுமே

உலகையே வென்ற கர்வம்
நான் பிடித்த ஆசனத்தில்
நீ அமர்ந்த போது
நிச்சயமாய் சொர்க்கம்
வெகு தொலைவிலில்லை

ரயிலோசை இரைச்சலாம்
யார் சொன்னது
எனக்கோ சங்கீதமாய் இனிக்கிறது
உன் வார்த்தைகளுக்கு
பின்னணி இசைப்பதால்

உன் கைவிரல்களுக்கிடையில்
கசங்கிய கைக்குட்டையில்
கூட சுருக்கங்கள் குறைவுதான்
உன் விழிவீச்சால் கசங்கிய
என் இதயத்தோடு ஒப்பிட்டால்

ஒவ்வோர் தரிப்பிலும்
என் இதயமே நின்று போகிறது
உன்னோடு நானிருக்கும்
நொடிப்பொழுதுகள்
வேகமாய் கரைவதால்

நீ இறங்கப்போகும் தரிப்பு
உனக்கும் வருத்தமா
உன் விழியில் விடை
தேடித் தோற்றேன்
எனக்கோ பெருங்கவலை
சந்தோஷமான நாளில் ஒன்று
சீக்கிரமாய் தீர்ந்ததால்

நீ கையசைத்து
விடைப் பெற்றாய்
உன் தலை மறைந்த
அடுத்தக் கணமே அவசரமாய்
பத்திரப் படுத்தினேன்
நீ ஆசனத்தில் போட்டமர்ந்த
காகிதத்தை

கட்டில் விரிப்பை நூறாவது
தடவையாகவும் சரிசெய்தேன்
இன்றைய நாளை
எண்ணிப் புரண்டதில்
தூக்கம் கண்களிநின்று
தொலைதூரமாய் எங்கோ
ஆனாலும் படுத்திருந்தேன்
உன் நினைவுகளோடும்
கைகளுக்குள் சிறைப்பட்ட
தலையணையோடும்

எட்டு வருடங்களுக்கு முன் எழுதியது. இதைப் பதிவிட முன் நண்பரொருவரிடம் காட்டினேன். அதைப் பார்த்து அவன் கேட்டான்.
"இப்போதெல்லாம் அந்த காலத்தை நினைக்க அபத்தமாய் இருக்குமில்லையா?"
அவனுக்கு சுஜாதாவின் வசனமொன்றைதான் பதிலாய் சொன்னேன்.
" VCR போல லைப்லயும் ஒரு ரீவைண்ட் பட்டன் இருந்தா நல்ல இருக்கும்ல"

தூக்கம் திருடிய கனவுக் கன்னியர் - ஒரு ஜொள் பதிவு பாகம் 2

ஏலவே எழுதிய தூக்கம் திருடிய கனவுக் கன்னியர் - ஒரு ஜொள் பதிவு இன் பாகம் இரண்டு மேலுள்ள இணைப்பை அழுத்தி கொஞ்சம் அங்கேயும் போய் பாருங்கள்.

5. Angelina Jolie


ஆரஞ்சு சுளை போன்ற உதடுகள் என்று கேள்விப் பட்டிருப்பீர்கள் பார்த்திருக்கிறீர்களா? அஞ்சலினா ஜூலியின் உதடுகள் அதை ஒத்தவை(ம்ம் ....). வீடியோ கேம் பாத்திரம் லாரா க்ரோப்ட் ஆக இவர் சாகசம் செய்யும் Tomb raider, தனது கணவர் பிரட் பிட்டுடன் நடித்த Mr & Mrs Smith, Beowulf,Wanted போன்ற படங்கள் ரசித்துப் பார்க்கக் கூடிய ரகம் இல்லை என்றாலும் ஜூலி க்காகப் பார்க்கலாம்.
அழகு மட்டுமில்லை மிகுந்த திறமையும் கொண்டவர். ஒரு முறை சிறந்த துணை நடிகைக்கான அகாடமி அவார்டும் பெற்றுள்ளார்.
அதையும் விட குறிப்பிட்டாக வேண்டிய விடயம் அவரது தாராள மனம். உடனே படத்தில் அவரது கழுத்துக்கு கீழே பார்வையை கொண்டு போக வேண்டாம். நான் சொன்னது நிஜமாகவே அவரது நல்ல மனதை UNHCR இன் நல்லெண்ணத் தூதுவராக உலகளாவிய அளவில் செய்யும் சேவைகளுக்காகவும் அறியப்படுகிறார்.


4. Katrina Kaif



பெரும்பாலும் என் லிஸ்ட்டில் உள்ள ஒரே Latest figure இவராய்த்தான் இருக்கும். மிகுந்த தயக்கத்துடன் சல்மான்கான் என் பதிவைப் பார்க்க மாட்டார் என்ற நம்பிக்கையின் பின்தான் இவரைச் சேர்த்தேன். பார்க்க கொஞ்சம் கூட இந்திய சாயல் இருக்காது. காஷ்மீரித் தந்தைக்கும் பிரித்தானிய தாய்க்கும் பிறந்தவர். என்னதான் சல்மானை இவருக்கு பிடித்திருந்தாலும் எனக்கேதோ இவர் அக்ஷய் குமாருக்கு ஏற்ற ஜோடியாகத்தான் படுகிறது. விக்ரம்தான் இவரை நீண்ட நாட்களாக தமிழுக்கு அழைத்து வரப்போவதாக சொல்லி ஏமாற்றிக் கொண்டிருக்கிறார். ம்ம் ஆனால் விஜய் அதிஷ்டக்காரர் குறைந்தபட்சம் கோகோகோலா விளம்பரத்திலாவது சேர்ந்து நடித்து விட்டார்தானே .


3.Madhuri Dixit


நான் என் ச்ச்ச்சின்ன வயதில் ITN தொலைக்காட்சியில் போடும் ஹிந்தி படங்களை பார்க்கத் தொடங்கிய காலத்தில் நிறைய படங்களில் இவர் அல்லது ஜூஹி சாவ்லாதான் இருப்பார்கள். ஜுஹியை எனக்கு பிடிக்கவே பிடிக்காது so இவர்தான் என் choice. இவர் அணில்கபூரோடு நடித்த படங்களில் எல்லாம் எங்கள் கமல்- ஸ்ரீதேவி போல ஒரு அன்னியோன்னியம் இருக்கும். தேவலோக மங்கையர் என்றெல்லாம் சொல்வோமல்லவா அதற்கு நிகரான ஒரு அழகு இவரிடம் உண்டு. ஓவியர் ஹுசைனும் என் கருத்தோடு உடன்படுவார் என நினைக்கிறேன். நாயகன் படத்தின் ஹிந்தி பதிப்பு பார்த்திருக்கீர்களா? வினோத் கண்ணாவுக்கு கமல் மேல் ஏதும் கோபமா எனத் தெரியவில்லை கிட்டத் தட்ட அந்தப் பாத்திரத்தை கொலை செய்திருப்பார். இருப்பினும் நாயகனில் கமல் செய்யாத ஒரு காட்சி இந்த படத்திலுண்டு(ஆனால் கமலோடு தொடர்புடையது). இந்தக் காட்சியில் மட்டும் மாதுரி டிக்சித்தொடு ஒன்றி நடித்திருப்பார். பார்த்தால் உங்களுக்கும் மாதுரியைப் பிடிக்கும். இன்னுமொன்று வினோத் கன்னாவுடன் இப்படி எல்லாம் நடித்து விட்டு பின் அவரது மகன் அக்ஷய் கன்னாவுடனும் ஜோடியாக நடித்தார்.


2. Monica Bellucci



சில அழகான நடிகைகள் ஆரம்பத்தில் மிகுந்த பிரமிப்பைக் கொடுத்திருந்தாலும் அவர்களை ஏதேனும் படங்களில் Topless ஆக பார்த்து விட்டால் அவர் மீதான ஆச்சரியம் அடங்கி விடும். Sean penn உடன் jennifer Lopez நடித்த U turn படத்தில் கண்ணிமைக்கும் நேரத்திற்கு அப்படி வந்த பின்னே எனக்கு Jennifer Lopez ஐயே பிடிக்காமல் போய் விட்டது.
ஆனால் பல படங்களில் இப்படி பலான பலான மாதிரி பார்த்த பின்னும் அலுக்காதவர் Monica Bellucci இத்தாலிய நடிகை.
Matrix என்றில்லை பொதுவாகவே Keanu reeves இன் Action படங்கள் என்றாலே எனக்கு அலர்ஜி Speed உட்பட. அதை விட Clive Oven இவரது Shoot em up படத்தை பார்ப்பதும் ஒன்றுதான் ஐந்து விஜய் படங்கள் பார்ப்பதும் ஒன்றுதான். அப்படியிருந்தும் அந்த படங்களை Fast foward செய்து செய்து சிலக் காட்சிகளையேனும் பார்த்திருக்கிறேன் என்றால் அது மோனிக்கா பெல்லுச்சிக்காக மட்டுமே. இதையெல்லாம் விட கொடுமை இவர் நடித்த சில இத்தாலி மற்றும் பிரெஞ்சு படங்களை வேறு பார்த்து தொலைத்திருக்கிறேன். அந்த வகையில் Malena குறிப்பிடத் தக்க ஒரு படைப்பு. நான் படத்தை பார்க்க முனைந்தது வேறு நோக்கத்துடன் என்றாலும் ஈற்றில் ஒரு நல்ல படம் பார்த்த திருப்தியும் இருந்தது. Asterix and cleopatra Chanel Eye இல் அவ்வப்போது போடுவார்கள் இதை அவருக்காக மட்டுமில்லாமல் ஒரு குழந்தையின் மனநிலையோடு என் பிரியத்துக்குரிய அந்த காமிக்ஸ் கதாநாயகர்களுக்காகவும் பார்த்தேன். சிம்பு இவரை தமிழில் நடிக்க கூட்டி வருகிறேன் என்றார். பார்ப்போம் நடக்கின்றதா என்று. இவர் ஆத்திகத்திற்கும் நாத்திகத்திற்கும் இடையிலான Agnostic எனத் தன்னை அறிவித்துக் கொண்டவர். இத்தனை அழகை கடவுளால்தான் படைக்க முடியுமென்றால் பேசாமல்கடவுளை நம்பி விடலாம் எனத்தான் தோன்றுகிறது.



1. Meena



என்னிடம் ஒரு கெட்டப் பழக்கம். சில விடயங்கள் மனதுக்கு பிடித்து விட்டால் அது மாறுவதேயில்லை. பொதுவாக பத்து பதினொரு வயதுகளில் நமக்கு நடிகைகள் மேல் ஈர்ப்பு இருப்பதில்லை. அது Sigmund frued சொன்ன பாலியல் மறைநிலை பருவம் என்பதால் இருக்கலாம். அதிலருந்து மெல்ல நான் பதின்ம வயதுகளுக்குள் பிரவேசித்த போது என்னை கவர்ந்தவர் இவர்தான். அந்தக் கண்கள், ஹோம்லியான தோற்றம், அத்தோடு இருந்த ஏதோ சொல்ல முடியாத கவர்ச்சி இதெல்லாவற்றையும் விட அந்நேரம் வந்த தலைவர் படங்களில் இவர்தான் கதாநாயகி என்பனவெல்லாம் இவர் பிடித்துப் போகக் காரணங்கள். இன்று வரை மீள முடியவில்லை இவர் விழி வீச்சில் இருந்து. இப்போதெல்லாம் பரவாயில்லை முன்பெல்லாம் பத்திரிகைகளில் இவர் தொடர்பான கிசு கிசுக்கள் கண்டாலோ அல்லது இவர் கவர்ச்சியாய் நடித்திருக்கிறார் என்று செய்தி படித்தாலோ கஷ்டமாய் போய்விடும். ஆய்வுக்கு உட்படுத்த வேண்டிய விடயம்தான் ஒரு நடிகை மேல் ஏன் இத்தனை Possessive ஆக இருக்கின்றோம் என்பது.
நிச்சயம் திறமையான நடிகைதான் ஆனால் நடிப்பதை விடவும் குழந்தைத்தனமாக பேசி ஒரு கவர்ச்சிப் பதுமையாக வலம் வருவதில் மாத்திரமே திருப்தி அடைந்து விட்டார். ரிதம் படத்தில் இவர் பாத்திரமும் நடிப்பும் எனக்கு ரொம்பப் பிடிக்கும். ஆரம்பக் கால சேரன் படங்களிலும்.

என்னை ஏமாற்றாத சாரு

இலங்கையர்களுக்கு இப்போதெல்லாம் இதைத் தவிர்த்தால் பேச எதுவுமே இல்லை போலும். அந்த அளவிற்கு அனைத்து தரப்பினரிடையேயும் இலங்கையின் ஜனாதிபதி தேர்தல் பற்றிய எதிர்பார்ப்பு ஏகத்திற்கும் எகிறியிருக்கிறது. இந்தியத் தலைவர்களை பார்த்து கூல் செய்ய முயன்றிருக்கிறார் ஜெனரல் பொன்சேகா. இங்கே இன்று மகிந்த எஸ்பியின் வீட்டுக்கு போயிருப்பது கட்சித் தாவலொன்றுக்கான அறிகுறிகளை காட்டியிருக்கின்றது. ஐக்கிய தேசிய கட்சியின் பொதுச்செயலாளர் அரசு எதிர்பாராத பல அதிரடிகள் அடுத்த வாரம் அரங்கேறும் எனக் கூறியிருப்பது நிஜமா அல்லது புலி வருது கதையா என்பது இனிதான் தெரியும்.



புலி வருது என்றவுடன்தான் ஞாபகம் வருகிறது. எந்த புலியும் வராமலே மாவீரர் தினம் நடந்து முடிந்திருக்கிறது. தமிழக பத்திரிகைகள் இனி வேறு விதமான உளவுத் தகவல்கள் தர வேண்டியதுதான். அவர்கள் வியாபாரத்திற்கு சீமான் பக்கப்பலமிருப்பார் என நம்புகிறேன். சீமான் இயக்கத்தில் விஜய் நடிக்கும் படத்திற்கு தலைவர் பெயர் வைத்தாராம். என்ன கொடுமை சீமான் இதெல்லாம்? தயவு செய்து மக்களின் உணர்வுகளை இப்படி மலினப் படுத்தி ஆதாயம் தேடாதீர்கள். திராவிடம் பேசும் மஞ்சள் துண்டு தலைவர்கள், தலித்துக்களுக்காக முழங்கிய சிறுத்தைகள் என பலரையும் நம்பி ஏமாந்த பின் இவர்.


மஞ்சள் துண்டுத் தலைவர் அரசியல் வாழ்க்கையில் இருந்து ஓய்வுப் பெறப் போகிறாராம். பெரும்பாலான தனது இலக்குகளை எட்டியிருப்பதாக தெரிவித்திருக்கிறார். ம்ம் ஒரு மகன் மத்திய அரசில் அமைச்சர், மகள் எதிர்காலத்தில் அமைச்சராக வாய்ப்புள்ள பாராளுமன்ற உறுப்பினர், ஒரு மகனை தமிழக மக்களுக்கென தாரை வார்த்தாகி விட்டது, மருமகனின் பிள்ளைகள் இந்தியாவின் முக்கிய புள்ளிகள் ஆமாம் இதெல்லாம் ticket இல்லாமல் train ஏறி வரும் போதே Plan பண்ணி வந்ததா? இல்லை பிற்காலத்தில் உண்டானா ஆசையால் விளைந்ததா?


"அளவுக்கதிகமா ஆசை படுற ஆம்பிள்ளை நல்லா வாழ்ந்ததா சரித்திரமே இல்லை" என்றார் தலைவர். மண்ணாசை,பொன்னாசை கூட பரவாயில்லை பெண்ணாசையால் நொந்து நூடுல்ஸ் ஆன காஞ்சிபுரம் மச்சேஸ்வரர் கோவில் அர்ச்சகர் தேவநாதன் பற்றி அறிந்திருப்பீர்கள். கருவறையில் பெண்களுடன்ஆபாசமாக இருந்ததோடு அதை செல்போனில் படமெடுத்து பிறகு பார்த்து ரசித்திருக்கிறார். பொதுவாகவே நம்ம சாமிகளுக்கு கொஞ்சம் கிளு கிளு உணர்வு ஜாஸ்திதான். புராணக் கதைகளை படியிங்களேன் Straight தொடங்கி incest வரையான பலான கதைகள் ஏராளம். என்ன சொல்லி என்ன இனி மேலும் நம் பெண்கள் சாமி புள்ளை வரம் கொடு என்று யாரேனும் ஒரு சாமி பின் போகத்தான் போகின்றார்கள்.


நான் சொன்ன ஒரு விடயம் பலித்திருக்கிறது. "பா" பாடல்கள் பற்றிய என் பதிவில் நிச்சயம் இந்த இசையை சாரு மட்டம் தட்டி எழுதுவார் என எழுதியிருந்தது பலித்தே விட்டது( ஆமா இதை ஊகிக்க பெரிய தீர்க்கதரிசனம் எல்லாம் வேணுமாக்கும்). ஆனால் நானே எதிர்பார்த்திராத ஆச்சரியம் அவரது நேற்றைய பதிவில். கிட்டத் தட்ட ஒரு நல்ல சிறுகதையின் முடிவில் வரும் Twist ஐப் போல. நந்தலாலாவில் இளையராஜாவின் இசை அவருக்கு ஆச்சரியமோ இல்லையோ அவர் பதிவை வாசித்த போதோ எனக்கு பெரும் ஆச்சரியம். இளையராஜா தவிர்ந்து சாருவின் ரசனையில் எனக்கு அபார நம்பிக்கையுண்டு. அதனடிப்படையில் ஏலவே மிஷ்கினில் கொண்டிருந்த நம்பிக்கையை அதிகப்படுத்தி முதலில்கமலும் இப்போது சாருவும் படம் பார்க்கும் ஆவலை அதிகப் படுத்தியிருக்கிறார்கள்.

முத்தம்

பதிவிட ஏதும் இல்லாததால் இது
குசும்பன் பாணியில் சொல்வதென்றால் Enter தட்டி தட்டி ஒரு கவிதை(?!)

உன் இதழ்களைத்தான் முத்தமிட
நினைத்தேன்
ஆனால் என் உதடுகள்
தினம் ஷ்பரிசிப்பதோ
சிகரட் பில்டரைத்தான்

சரத் பொன்சேகாவின் பஞ்ச் டயலாக்

இலங்கையின் ஜனாதிபதித் தேர்தல் அடுத்த வருடம் நடைபெறுவதாக அறிவிக்கப் பட்டுள்ளது. போர் வெற்றிக்கு காரணமாக சிங்கள மக்கள் மத்தியில் தன்னை வெளிக் காட்டிக் கொண்ட மகிந்த எவ்வித தடைகளும் இன்றி அனைத்து மக்களினதும் ஏகோபித்த தெரிவாக மீளவும் தெரிவாவார் என்ற நிலை இருந்த போதுதான் அவரே எதிர்பார்க்காத இந்த மாற்றம் வந்து சேர்ந்தது. போர் வெற்றியில் தன்னோடு சேர்ந்து பங்காற்றிய இராணுவத் தளபதியை ஊடங்களில் முன்னிறுத்தாது தவிர்த்ததும் , சந்தேகக் கண் கொண்டு பார்த்ததும், அவரை அரவணைத்துச் செல்ல தவறியதும் இன்று இவருக்கே வினையாகஅமைந்துள்ளது.



சற்றுத் திரும்பிப் பார்த்தோமானால் போர் வெற்றி மகிந்த முனைந்து மக்கள் முன் காட்டுவது போல அவரது தனிப்பட்ட வெற்றி கிடையாது. ரணில் விக்கரமசிங்க அவர் காலத்திலேயே புலிகளை ஒடுக்குவதற்கான வலுவான அடித்தளத்தை இராஜதந்திர ரீதியில் இட்டிருந்தார். பேச்சுவார்த்தையை இழுத்தடித்து இடைப்பட்ட காலப்பகுதியில் வன்னியினுள் இருந்த அமைதியான நிலைமையை போராளிகளிடமும்,மக்களிடமும் காணப்பட்ட போருக்கு ஆதரவான மனநிலையை சிதைக்கப் பயன்படுத்தியது, கருணாவை பிரித்தெடுத்து கிழக்கு மாகாணத்தை கை நழுவி போகச் செய்தது என்பன இவற்றுள்சில.

இலங்கையில் UNP அரசு அமைந்தால் அமெரிக்கா உள்ளிட்ட மேலைத்தேயங்களின் ஆதரவுடனும் , சுதந்திரக்கட்சி ஆட்சி அமைகையில் இந்திய,ரஷ்ய,சீன ஆதரவுடனும் புலிகளுக்கெதிரான போர் எப்பொழுதும் முனைப்பாக முன்னெடுக்கப்பட்டது. ஆனால் தமிழர் தரப்பு இவ்வாறான நேசத்தரப்புகளை கொண்டிருக்காமையால் தனியாகவே போராடும் நிலையிலேயே இருந்தது. ஓரளவேனும் வெளிநாட்டு தொடர்புகளை சிறப்பாக பேண வல்ல பாலசிங்கம் அவர்கள் இயற்கை எய்தியமையும் அதைத் தொடர்ந்த முக்கிய தளபதிகளின் மறைவும் மேலும் இயக்கத்தை பலவீனப்படுத்த அதன் பின் தமிழர் தலைமை தீர்க்கதரிசனமின்றி தேர்தலைப் புறக்கணிக்க ம்ம் இந்த நிலைமை. ஆக செத்த பாம்பை அடித்திருக்கிறார் மகிந்த

ரணில் வந்திருந்தால் பிரச்சினை தீர்ந்திருக்குமா என்பவர்களுக்கு பிரச்சினை தீர்ந்திருக்குமோ இல்லையோ இங்கே JVP கொடிப் பிடித்து ஆர்ப்பாட்டம் செய்துக் கொண்டிருந்தாலும் உயிரிழப்பின்றி ஐரோப்பிய நாடுகளில் சமாதானமாவது பேசிக் கொண்டிருந்திருக்கலாம்.

ஆனாலும் மகிந்த வந்த ஆரம்பக் காலப்பகுதியில் அப்போது இருந்த நிலையில் போருக்கு செல்ல முடியாத நிலையிலேயே இருந்தார். எனினும் அதையும் கெடுத்து யானை மன்னிக்கவும் புலி மாவிலாறு அணைக்கட்டை மூடி தன தலையிலேயே மண்ணை வாரிப் போட்டுக் கொண்டது. தம் மீது இருந்த அதீத நம்பிக்கையா? அல்லது எதிரி மீதிருந்த தவறான கணிப்பா? இன்று வரை புரியவில்லை. என் பழைய பதிவொன்றைப் பார்த்தேன் கோயபல்சை நம்மூர் கெஹலிய ரம்புக்வேள்ளவுடன் ஒப்பிட்டு எழுதியது. அத்தனை தூரம் நம்பிக்கையுடன் தோற்கவே மாட்டார்கள் இவர்கள் சொல்வதுதான் பொய் என்ற சராசரி தமிழரின் மனநிலையில்தான் நானும்இருந்திருக்கிறேன்.



ஆனால் இன்றைக்கும் அதே மாதிரி வருவார், போராடுவோம், வெல்வோம் என்ற ரீதியில் கதைப்பது யாரை ஏமாற்றவெனத்தான் தெரியவில்லை. கதைப்போர் பெரும்பாலும் புலம்பெயர்ந்தோர் அல்லது தமிழகத்தைச் சேர்ந்தோர். புலம்பெயர்ந்தோருக்கு தமது இத்தனை வருடக் கனவு தகர்ந்து போனதில் உள்ள ஏமாற்றம் புரியக்கூடியதே. ஆனால் தமிழகம்! இங்கே தமிழர் தரப்பு பலமாய் இருந்த போதெல்லாம் வாய் பொத்தி சினிமா பார்த்து காலம் கழித்து விட்டு இப்போது பேசுவதில் யாதொரு பயனுமில்லை. அதுவும் கடைசி தேர்தலில் கூட வைகோவைத் தோற்கச் செய்தீர்கள், காங்கிரசை ஆட்சிப் பீடம் ஏற்றினீர்கள். சீமான் வகையறாக்களுக்கு வேறு தேவைகள் உண்டு. அவரது நாம் தமிழர் இயக்கமும் பிரபாகரன் பிறந்ததின வாழ்த்துப் போஸ்டர்களும் அதைத்தான் காட்டுகின்றன. தமிழகத்தில் தமிழ், இனம்,மானம்,தமிழ்நாடு எனப் பேசுவது அரசியல் வெற்றிக்கான ஒரு வழி அவ்வளவே. நாம் தமிழர்கள் உணர்ச்சித் ததும்ப இனம் பற்றிக் கதைப்போம் ஆனால் இனத்திற்காக ஒரு மயிரும் புடுங்க மாட்டோம் (நான் உட்பட).

ஆக இன்றைய நிலையில் விரும்பியோ விரும்பாமலோ தேர்தலொன்று நம் மீது திணிக்கப்பட்டுள்ளது. இலங்கையில் சிறும்பான்மை இனத்தைச் சேர்ந்த ஒருவர் அரசத் தலைவராக வரமுடியாத நிலையில் இரு பெரும் கட்சிகளில் ஒருவரையே நாம் தெரிவு செய்ய வேண்டியுள்ளது. இம்முறையும் தேர்தலைப் புறக்கணிப்பதால் யாதொரு பயனும் கிட்டுமென நான் கருதவில்ல்லை. ஆக இரண்டில் எது ஆகக் குறைந்த பாதகத்தை தருமென்பதே நம்முன் இருக்கும் தெரிவு. சரி எதுவாக அமைய வேண்டுமென்பது தொடர்பாக விவாதிக்க வேண்டியதில்லை. இலங்கையில் இருப்போர் இன்றைய நிலைமையை நன்கு அவதானிபபின் அவர்களாகவே ஒரு முடிவுக்கு வரக்கூடியதாய் இருக்கும்.
ம்ம் நிறைய எழுதியதில் தலைப்போடு தொடர்பான விஷயத்தை பேசவே முடியவில்லை. பொது வேட்பாளர் பொன்சேகா தான் என்பது கிட்டத்தட்ட முடிவான மாதிரிதான். அனுரா குமார திசாநாயக்க(JVP) நேற்று தமது பொது வேட்பாளர் இவர் என அறிவித்தார். லக்ஸ்மன் கிரியெல்ல(UNP) வேட்பாளர் பெயரை சொல்ல விலை எனினும் மக்கள் வாக்களிப்பது போரை வென்றவர்களுக்கா? விற்றவர்களுக்கா? என்ற தீர்க்கமான முடிவெடுக்கும் காலத்திற்கு தள்ளப்பட்டுள்ளனர் எனக் கூறினார். ஆக இவை அவர்தான் போதுவேட்பாளர் என்பதை ஊர்ஜிதப் படுத்துவதாகவே உள்ளது.
நேற்று பத்திரிகையாளர் சந்திப்பில் முன்னாள் ராணுவத் தளபதி சொன்னதுதான் சுவாரசியம். நீங்கள் அதிபர் தேர்தலில் போட்டியிடும் பட்சத்தில் வெல்வீர்களா? என்ற ஊடகவியலாளர் ஒருவரின் கேள்விக்கு ஒரு Hero பாணியில் அவர் சொன்ன பதில்
I have never lost in my life

தூக்கம் திருடிய கனவுக் கன்னியர் - ஒரு ஜொள் பதிவு

பொழுது போகாமலிருந்ததலும் கொஞ்சம் ஹிட்ஸ் கூட்ட ஆசைப்பட்டதாலும் இப்படி ஒரு பதிவு. நம் எல்லோருக்கும் பிடித்த கனவுக் கன்னியர்கள் இருப்பார்கள் இல்லையா? கொஞ்சம் அவற்றை மீட்டுப் பார்ப்பதிலும் பகிர்வதிலும் ஒரு அலாதியான சந்தோசம். இதோ எனக்கு பிடித்தவர்கள். இவர்களில் உங்களுக்குப் பிடித்தவைகளையும் பின்னூட்டத்தில் குறிப்பிடுங்கள்.

10. Lesley Ann down


ஒரு மூன்று வருடங்களுக்கு முன் ஆசிரியப்பயிற்சியை முடித்து விட்டு Appointment கிடைக்கும் வரை வீட்டில் இருந்த காலப்பகுதி. பொழுது போகாமல் பகல் நேரத்திலேயே MTV(இலங்கையின் தனியார் ஆங்கில Channel) யில் ஆங்கில தொடர்களைப் பார்த்துக் கொண்டிருப்பேன். அப்படிப் பார்த்ததுதான் Sunset beach. அதே தொடரில் ஏகப்பட்ட இளம்பெண்கள் இருந்தாலும் என்னைக் கவர்ந்ததென்னவோ கொஞ்சம் வயசான Lesley Ann down. அந்த கொஞ்சம் வயசு எவ்வளவு தெரியுமா? அதிகமில்லை. just 54 தன கணவனுக்குத் தெரியாமல் ஒரு வாலிபனுடன் காதல் வளர்க்கும் வேடம். அம்மணி அசத்தியிருப்பார். இப்போதெல்லாம் அவர் நடித்த தொடர்கள் ஏதும் போகின்றதா தெரியவில்லை. போனாலும் பார்க்க நேரமாயிருக்கின்றது.

9. ஷில்பா ஷெட்டி

வண்டுகளின் சிறகசைவினால் எழும் சிறு காற்றுக்கும் துவளும் மெல்லிடையாம் தமயந்திக்கு. ஒருவேளை இப்படி இருந்திருக்குமோ என யோசிக்கச் செய்தவர் இவர் ஷில்பா ஷெட்டி. Mr. Romeo தான் நான் பார்த்த இவரின் முதற் திரைப்படம். எப்பவோ நன்றாக வந்திருக்க வேண்டியவர் Big brother நிகழ்ச்சியினால் காலம் கடந்துதான் புகழ் இவருக்குக் கிடைத்தது. ம்ம் இப்போதும் பெருமூச்செறியச் செய்யும் அழகுக்கு சொந்தக்காரர். ராஜ் குந்த்ராவைப் பார்த்தால்தான் வயிற்றெரிச்சலாய்இருக்கிறது.

8. ரவீனா தண்டன்


இவர் "ஜீசு படிகே மஸ்து மஸ்து " என ஆடிய ஆரம்பக் காலப்படங்களைப் பார்த்த போதெல்லாம் இவர் மீது எவ்வித ஈர்ப்பும் இல்லை. அப்படியே காலச்சக்கரம் உருண்டோடி சில வருடங்களின் பின் அமிதாப்புடன் நடித்த Aks நாகர்ஜுனாவுடன் நடித்த Agni varsha ஆகிய படங்களைப் பார்த்த போது மனம் "ரவீன ரவீனா" எனப் பாடத் தொடங்கியது. பழம் பழுக்க பழுக்கதான் அழகாயிருக்குமாம் இவரை பார்த்தப் போதுதான் அது புரிந்தது. இவரது வெகு சமீபமாய் வந்த படமொன்றைப் பார்த்தேன் ப்ச் பழம்ரொம்பவே பழுத்து விட்டது ரசிக்க முடியவில்லை.

7. Shannon tweed

எல்லோரையும் போல Doctor கனவுடன்தான் நானும் Advanced level ஐ ஆரம்பித்தேன். ஆனால் இன்று வெறும் ஆசிரியனாக ஆகிப் போனதில் பெரும்பங்கு இவருக்கு உண்டு. அவர் Shannon tweed. கண்டி,மாத்தளை அல்லது மலையகப் பகுதிகளை சேர்ந்தவர்கள் கட்டாயம் பேராதேனிய துசித்த படமாளிகையை பற்றியும் அங்கு போடப்படும் படங்களைப் பற்றியும் அறிந்திருப்பார்கள். கண்டியில் எனக்கு சனிக்கிழமை Biology மற்றும் Chemistry வகுப்புகளும் ஞாயிறன்று physics உம நடக்கும். பஸ்,சாப்பாட்டு செலவு போக மிச்சப்படுத்தும் காசை ஒரு மூன்று மாதம் சேர்த்தால் ஒரு படம் பார்ப்பதற்கான காசு ரெடி. அவ்வாறான நாட்களில் physics வகுப்பு முடிய Theater போய் பார்த்த படங்களில் பல இவர் நடித்தவை. Night Eyes,Women Scorned, Indecent Behavior இன்னும் பெயர் ஞாபகத்துக்கு வராத பல. சமீபமாய் கூட அப்படி அப்படி காட்சிகளற்ற அவர் Hulk Hogan உடன் நடித்தப் படம் ஒன்றை TV யில் பார்த்தேன். அவரது படம் பார்க்கும் பரவச அனுபவம் ம்ம் பார்த்தால்தான் தெரியும். Shannon tweed மட்டும் என் வாழ்வில் குறுக்கிடாமல் இருந்தால் நிச்சயம் Doctor ஆகி இருப்பேனோ என்னவோ.

6. Bipasha basu

இவரை நான் முதலில் பார்த்தது Ajnabee என்ற படத்தில். அதில் வில்லியாக வில்லன் அக்ஷய்குமாரின் மனைவியாக நடித்திருப்பார். அப்போது அவரை ரசிக்கத் தொடங்கியது அது அப்படியே Jism, Madoshi எனத் தொடர்ந்து No entry இல் அணில்கபூருடன் வரும் ஒரு பாடல் வரை தொடர்ந்தது. அசரடிக்கும் உயரம், அளவான உடலமைப்போடு கண்கொட்டாது பார்க்கச் செய்யும் கருப்பழகி அவர். Christiano Ronaldo வே கவிழ்ந்த பின் நாமெல்லாம் எம்மாத்திரம் ம்ம் John abraham க்குத்தான் கொடுத்து வைத்திருக்கிறது.

சரி ஒரு ஐந்தை இங்கே போட்டிருக்கின்றேன். நாளையோ நாளை மறுதினமோ முதல் ஐவரையும் போடுகிறேன். Ok

மகேலவின் இரட்டைச்சதமும் சுவிஸ் சந்திப்பும்

முதன் முதலில் இந்தியாவில் சரித்திர வெற்றி பெறுவார்கள் என்ற எதிர்ப்பார்ப்புகளை எல்லாம் ஏமாற்றி விட்டு Draw இல் முடிந்திருக்கிறது இந்தியாவிற்கெதிரான முதல் டெஸ்ட். பார்ப்போம் நாளைய கான்பூர் போட்டியில் என்ன செய்கிறார்கள் என்று

முரளியின் திறமை மங்கி விட்டதாக கருத்துரைத்தார் சிவராமகிருஷ்ணன். முரளி சாதித்திருப்பவையோடு ஒப்பிட்டால் இவரெல்லாம் ஒரு சுழற் பந்துவீச்சாளராக என்ன செய்திருக்கிறாரோ தெரியவில்லை.

2003 உலகக் கிண்ணத்தோடு அரவிந்த ஒய்வு பெற்றப் போது இனி கிரிக்கெட் பார்ப்பேனா என்றே சந்தேகமாய் இருந்தது. அப்போதெல்லாம் இலங்கையில் உலகத்தரத்தில் மதிக்கக்கூடிய ஒரே துடுப்பாட்டவீரர் அரவிந்த மாத்திரமே என்ற எண்ணம் சற்று அழுத்தமாகவே இருந்தது. ஆனால் அதே two Down position இல் அரவிந்தவை மிஞ்சி சாதனைகள் செய்கிறார் மஹேல. (பதிவுகள் என்ன சொன்னாலும் அரவிந்தவை மிஞ்சியவராக என்னால் ஏற்றுக் கொள்ள முடியாது என்பது வேறு விடயம்.)
97 இல் சனத் முச்சதம் பெற்ற போட்டியிலே அறிமுகமான மஹேல அதிலேயே ரொம்பவும் risk எடுத்து பந்தை விக்கெட் வரை வரவிட்டு மிகத் தாமதித்து இலாவகமாய் அடித்த late cut களை பார்த்த போதே மிகுந்த தன்னம்பிக்கையானவராக தோன்றினார். அன்றிலுருந்து இன்று வரை அவர் வந்திருக்கும் பாதை நிச்சயம் மலைப்புக்குரியது. என்றாலும் மேற்கத்தேய ஊடகங்கள் இவரை விட சங்காவையே தூக்கிப் பிடிக்கும் மர்மம்தான் பிடிபடவில்லை. மஹேல இன்னும் கொஞ்சம் Fluent ஆக சங்கா போல English பேசிவிட்டால் சரி என நினைக்கிறேன்.
எல்லாமும் முடிந்த பின் எதைப் பற்றியோ பேச இலங்கையின் முக்கிய தமிழ் பேசும் அரசியற் கட்சி பிரதிநிதிகள் எல்லாம் சுவிஸின் ரைன் நதிக்கரையில் அமைந்திருக்கும் ஓரிடத்தில் கூடியுள்ளனர்.சிங்கள் பேரினவாதத்திற்கெதிரான வலுவான எதிர்த்தரப்பினை விமர்சித்தோ ஆதரித்தோ அதன் வாயிலாக பதவிகளைப் பெற்றோர் இன்றைய நிலையில் தமது பாராளுமன்ற கதிரைகளை எப்படித் தக்க வைப்பது என உரையாடுவார்கள் என்பதுதான் கசப்பானாலும் உண்மை. எப்படியோ பராசக்தி சிவாஜி சொல்வது போல அவர்கள் சுயநலத்தில் ஏதேனும் பொதுநலமும் கலந்திருந்தால் சந்தோஷம்.

ஒரு வழியாக இன்று ஐக்கிய முன்னணியில் அங்கம் வகிக்கும் கட்சி தலைவர்களுடனான கூட்டத்தில் முதலில் ஜனாதிபதி தேர்தலை நடாத்தி முடிக்க தீர்மானித்துள்ளதாய் ஜனாதிபதி கூறியிருக்கிறார். ஆக பொதுத்தேர்தலா ஜனாதிபதித் தேர்தலா என்ற குழப்பத்தில் இருந்த எதிர்க்கட்சிகளுக்கு குழப்பம் தீர்ந்திருக்கும். இனி என்ன தேர்தல் முடியும் வரை பரஸ்பர தூற்றல்களை ஒரு மசாலா படம் பார்க்கும் மகிழ்வுடன் பார்த்து மகிழ வேண்டியதுதான்.

காதலை அழகாய் சொல்வதெப்படி

வேலை வெட்டி இல்லாதவர்களுக்கு மிக இலகுவான வேலை காதல் செய்வதுதான் ஆனால் அதை தான் விரும்பும் எதிர்பாலாரிடம் சொல்வதென்பதுதான் கல்லில் நாருரிப்பதை விட கஷ்டமான வேலை.
என்னை கேட்டால் ஒரு பெண்ணிடம் Propose செய்ய தனியான பயிற்சிகளோ முயற்சிகளோ அனாவசியம். அங்கே உங்கள் மேல் கொஞ்சமேனும் Interest இருப்பின் நீங்கள் உளறிக் கொட்டினாலும் ஏற்றுக்கொள்ளப்படுவீர்கள் இல்லையென்றால் நீங்கள் தலை கீழாய் நின்றாலும் அவ்வளவுதான்.
அப்படியா அவர்களுக்கும் நம்மைப் பிடிக்க எப்படி இருக்கவேண்டும் எனக் கேட்காதீர்கள். அதற்கு என்னிடம் பதிலில்லை. தெரிந்தால் இப்படி இராப்பகலாக முழித்து பதிவு போட்டு உங்களை இம்சிக்காமற் குழந்தை குட்டி என settle ஆகி இருப்பேன்.

எனக்குக் கூட ஒரு எண்ணம் இருந்தது பெண்களின் மனதில் நுழைய கவிதை ஒரு நல்ல ஊடகமென. என் பதின்ம வயதுகளில் பாடசாலையிலும் ஆசிரியப் பயிற்சி பெறும் காலத்தில் கல்வியியற் கல்லூரியிலும் நண்பர்களுக்கு T.R பாணியில் எதுகை மோனைகளோடு நான் எழுதித் தரும் அடுத்தடுத்த வரிகளில் வரும் வசனங்களுக்கு எல்லாம் துண்டுகள்( பிகர் என்ற வார்த்தைக்கு இலங்கையில் புழங்கும் கலைச்சொல் என அறிக) மடங்கியதால் ஏற்பட்ட ஒரு miss concept. பின்னொரு நாளில் எனக்காக நான் எழுதிய வரிகள் நிராகரிக்கப் பட்ட போதுதான் புரிந்தது Success Formula கவிதையில் இல்லை கவிதை தரும் நபரில் இருக்கின்றதென.

நான் முதலிலேயே சொன்னது போல காதலை ஓரளவேனும் ருதுப் படுத்திக் கொண்டு சொல்வது நலம். தேவையற்ற வலிகளைக் குறைக்கும். ரொம்பவும் நீட்டி முழக்காமல் ஓரிரு வார்த்தைகளில் சொல்லி விடுங்கள். மணிக்கணக்காக இழுத்து உங்கள் சுயசரிதை,காதலிப்பதற்கான தன்னிலை விளக்கம், உங்களை காதலிப்பதால் கிடைக்கப் போகும் Benefits என்று ஒரு விற்பனை பிரதிநிதி ரேஞ்சில் அலட்டினால் ஒரு Salesman ஐ என்ன செய்வோமோ அதே கதிதான் உங்களுக்கும். Airtel விளம்பரத்தில் Sharuk சொல்கிறாரே வெறும் 5 அல்லது 10 சத செலவிலேயே கேட்டு விடுங்கள் என்று அதுதான் சரி. பர்சுக்கும் மனசுக்கும்.

இதுவரை சினிமாக்களில் வந்த காதலை வெளிப்படுத்தும் காட்சிகளை யோசித்துப் பார்த்தேன்.
பார்த்த அடுத்த சில நொடிகளிலே Train இல் கிட்டார் வாசித்து பாட்டு பாடி காதல் சொல்வது, காதலிக்க வில்லையென்றால் தலையில் கல்லைப் போட்டுக் கொல்லுவதாக சொல்லி காதல் வரப்பண்ணுவது எல்லாம் பார்க்க அழகாயிருந்தாலும் சுத்த சினிமாத்தனம். அடுத்து காதல் எல்லாம் இப்படி வருவதில்லை " அட உலகை ரசிக்க வேண்டும் நான் உன் போன்ற பெண்ணோடு" என்ற கணத்தில் பிரபுதேவாவுக்கும் கஜோலுக்கும் பற்றிக் கொள்ளுமே அப்படி வரவேண்டியது.



அட நல்லாயிருக்கே என எனக்கு தோன்றிய சிலக்காட்சிகள்

கஜினியில் சல சலவென பேசிக்கொண்டிருக்கும் அசினிடம் ரொம்ப Manly ஆக எவ்விதப் பதட்டமுமின்றி சூர்யா பஸ்ஸில் வைத்து I love you சொல்லலும் காட்சி.

மௌன ராகத்தில் கார்த்திக் ரேவதியிடம் மைக்கில் சொல்லும் காட்சி

ஒரு கௌரவமான தொழில் செய்யும் பெண் தன காதலை எப்படி வெளிப்படுத்தலாம் காக்க காக்கவில் ஜோ சூர்யாவிடம் காதல் சொல்லும் காட்சி நல்ல உதாரணம்

சலங்கை ஒலியில் கமல் ஜெயப்ப்ரதாவிடம் ஏகப்பட்ட பீடிகைகளோடு சொல்வாரே அந்த காதலுக்கு அது அழகு

வேட்டையாடு விளையாடுவில் பலத்த யோசனைக்குப் பின் சடாரென தவிர்க்கவியலாத ஒரு கணத்தில் ஏலவே திருமணமாகி விவாகரத்தாகி இருக்கும் ஜோவிடம் மனைவியை இழந்த கமல் காதலை சொல்லும் காட்சி.

7G Rainbow colony இல் அந்த இடைவேளைக்கு முந்திய காட்சி

(ன்னா மேல சொன்ன மாதிரி எல்லாம் Try பண்ண முதல் நாம கார்த்திக்,சூர்யா,கமல் ரேஞ்சில் இருக்குறோமான்னும் Think பண்ணுங்கன்னா இதெல்லாம் கேட்டு விட்டு போன நண்பனொருவன் மூடுபனியில் பிரதாப் போத்தன் ஷோபாவிடம் கேட்பாரே அது போல கேட்ட அவலமும் உண்டு.)

சில மாதங்களுக்கு முன் ஒரு ஹிந்தி படம் பார்த்தேன் Vinay pathak ( Rab Ne Bana Di Jodi இல் ஷாருக்கின் நண்பராய் வருவாரே) நடித்தது. சசியின் சொல்லாமலே போல சிரிக்க சிரிக்க ஒரு Sentimental Movie. Davidaniya படத்தின் பெயர் ரஷ்ய மொழியில் போய் வருகிறேன் என அர்த்தமாம். தன ஒரே தாயுடன் இலக்கில்லாது வாழ்ந்து நடுத்தர வயதை எட்டியவனுக்கு திடிரென தனக்கு Stomach cancer இருப்பது தெரிகிறது. இனியாவது தனக்காக வாழ முடிவெடுக்கும் அவன் இறப்பதற்குள் முடிக்க வேண்டிய பத்து விடயங்களை List போட்டு முடிக்கிறான். அதிலொன்று தனது பழைய தோழியை சந்தித்து சொல்ல முடியாமற் போன தன காதலை சொல்வது. ஏலவே திருமணம் ஆகி குழந்தையோடு இருப்பவளிடம் அவர் காதலை சொல்லும் காட்சி. நான் சொல்வதை விட இந்த படத்தை பார்த்திராதவர்கள் சிரமம் பாராது இந்த தொடுப்பில் போய் பாருங்களேன்.

பேராண்மை என் பார்வையில்

இயக்குனர் S.P. ஜனநாதன் தமிழ் சினிமாவில் முக்கியமான இயக்குனர்களில் ஒருவர். உலகின் மிகச் சிறந்த காதல் கதை என அறியப்படும் Fyodor Dostoyevsky இன் White nights ஐ தழுவி இவர் இயக்கிய இயற்கை அந்த வருடத்திற்கான சிறந்த தமிழ் படத்திற்கான தேசிய விருதைப்பெற்றது.

அடுத்து ஈ திரைப்படத்தில் அதுவரை எவரும் தொட்டிராத மூன்றாம் உலக நாடுகளை தமது உயிரியல் ஆயுதங்களை பரீட்சிக்கும் களமாக பயன்படுத்தும் வல்லரசுகளின் சதியையும் அதற்கு துணைபோகும் உள்நாட்டு பூர்ஷ்வாக்களைப பற்றியும் படமாக்கி இருந்தார். அதோடு இணைந்ததாக சேரி மக்களின் வாழ்க்கையும் கூடவே தீவிரவாதிகளாகவே அறியப்படும் நக்சல்களின் போராட்ட குணத்தையும் கூட காட்டி இருந்தார்.

தற்போது வெளியாகி நேரும் மறையுமான இருவகை விமர்சனங்களையும் எதிர்கொண்டு ஓடிக்கொண்டிருக்கும் ஜனாவின் புதிய படைப்புத்தான் பேராண்மை. வழமையாகவே தமிழ் சினிமாவில் காணப்படும் தர்க்கானுபூர்வமாய் ஏற்கவியலாத பல குறைபாடுகள் இந்த படத்திலும் உண்டு. எனினும் படம் ஆரம்பித்ததில் இருந்து இறுதி வரை ஒரு Encyclopedia போல சொல்லும் விடயங்கள் ஏராளம். முதற்பாதியில் சற்றே பிரச்சார தொனி எட்டிப் பார்த்தாலும் பிற்பாதி விறு விறுப்பாய் நகர்வது என்னவோ உண்மை.

மலைவாழ் பழங்குடி இனத்தை சேர்ந்த துருவன் காட்டிலாகா அதிகாரியாய் பணிபுரிகிறான். அங்கே N.C.C பயிற்சிக்கு வரும் பெண்களுக்கு பயிற்சி அளிக்கும் பொறுப்பேற்கும் துருவன் அதில் குறிப்பிடட்ட 5 பெண்களாலும் தனது உயரதிகாரி கணபதி ராமாலும் தனது சாதி குறித்தான இழிவசைகளை அவ்வப்போது எதிர்கொள்கிறான். சரியாக கீழ்ப்படிந்து தமது பயிற்சியை நிறைவு செய்யாமையை காரணம் காட்டி அந்த 5 இளம்பெண்களையும் மேலதிகப் பயிற்சிக்கு காட்டுக்குள் அழைத்துச் செல்லும் துருவன் அங்கே அந்நியச் சக்திகளால் நாட்டுக்கு ஏற்படவிருக்கும் அனர்த்தத்தை அறிந்து அதைஅந்த பெண்களின் உதவியோடு தவிர்ப்பதே கதை.

சாதி அடிப்படையிலான புறக்கணிப்புகளை ஏதோ கிராமத்து பெருசுகள் செய்வதாகவே இதுவரை படங்களில் காட்டப்பட்டுள்ளது. இங்கோ எனது students நானே பரிமாறுகிறேன் என ஜெயம் ரவி தரும் வடையை ஒரு பெண் தூக்கிப் போடுவதும், துப்பாக்கிப் பிடிக்க கற்றுத் தருகையில் அசூயையுடன் விலகுவதுமான காட்சிகளில் இளம் பெண்களிலும் வேரூன்றியுள்ள சாதிய வேறுபாடுகளின் தாக்கம் புரிகிறது. ஒருவரோடு பழக முன் அவர்களின் சாதியை பிறிதொருவர் மூலம் விசாரிப்பதும் இன்னுமொருவரின் சாதியை அபிநயங்களின் மூலம் குறிப்பாய் சொல்லி நக்கல் செய்வதுமான பழக்கம் கொண்ட இளம்பெண்களை நானும் சந்தித்திருக்கிறேன்.

படத்தில் வரும் பெண்கள் உயர் நடுத்தர வர்க்கத்தைச் சேர்ந்தவர்கள் அதைக் காட்டுவதற்கோ என்னவோ அவர்கள் தமிழ் எழுதப் படிக்கத் தெரியாதவர்களாகவும் சகஜமாய் தமக்குள்ள A ரக பகிடிகளை பகிர்ந்து கொள்பவர்களாகவும் உள்ளனர். மாடு கன்று ஈன்றதும் சுற்றியிருந்து Happy Birthday to you பாடுவதை இளமைக்கே உரிய குறும்பு என ரசிக்க முடிந்தாலும் அதன் பின் சக தோழியின் உள்ளாடையை உருவுவது, மெதுவடை நல்லா இருக்குமாம் என சொல்லி சிரிப்பது, sir gear போடுங்க நீ போட்டுறாத என்பது, பாம்பு பார்க்கவில்லை என ஏங்குவது இதையெல்லாம் எதில் சேர்ப்பது எனத் தெரியவில்லை. ஒரே வார்த்தையில் சொல்வதாயிருந்தால் திருஷ்டி. அப்படிப் பட்ட பெண்களிடம் போய் ரவி உபரி மதிப்பு பற்றி பாடம் எடுக்கிறார். பொருளாதார அரசியல் கற்பதன் அவசியம் குறித்து சொல்கிறார்.

பல தகவல்களை படம் போகிற போக்கில் சொல்லிப் போகிறது. விவசாய நிலத்தை சேதப்படுத்த அந்நியர்களால் பரப்பப்பட்ட சீமைக்கருவேலமரங்கள், சிறுத்தையின் காலடித்தடம், யானையின் சாணம் ஆகியவற்றைக் கொண்டு தகவலறியும் Discovery, National Geographic channel வகையறா Wild life தகவல்கள் என.

உழைக்கும் வர்க்க சர்வாதிகாரம் வந்தே தீரும் என்கிறார் ஒருவர். இது ஜனாவின் ஆதங்கம் எனப் புரிகிறது ஆனால் க்யூபாவே கொஞ்சம் தாராளம் காட்ட முற்பட்டிருக்கும் வேளையில் இது கொஞ்சம் அதிகப்படியான ஆசைதான்.
போராடப் போகையில் தமிழரின் போராட்டத்தை உலகமே பார்த்துக் கொண்டிருக்கிறது என்கிறார் ரவி. படம் நீண்ட நாள் தயாரிப்பில் இருந்ததால் வந்து விட்டது என நினைக்கிறேன்.

படத்தில் நான் சார்ந்த்த மலையகத் தமிழரின் வாழ்வியலையும் இழிநிலையையும் ஒரு சில காட்சிகள் எனக்கு ஞாபகமூட்டின. சிறுவனுக்கு இரவில் பாடமெடுக்கும் போது பச்சை தேயிலை விலைக் குறித்துக் கேட்பதும், தமது நிலத்தில் விளைந்தவற்றை மற்றவர்களுக்கு கொடுத்து சந்தோஷப்படுவதும், பொன்வண்ணன் அவர்களின் பாடப்புத்தகங்களை பார்த்து இதெல்லாம் படிக்கிறானுங்க எனப் பொருமுவதும் அவ்வாறனவற்றில் சில.
அதே படத்தின் பாடல் வரிதான் ஞாபகம் வருகிறது

" தேயிலையும் மரமாகும் அதை வளர்ப்பதில்லை
சிகரத்தில் இருந்தாலும் நாம வளர்வதில்ல"

படத்தில் ஆயுதங்களை அனாயாசமாக பெண்கள் மற்றும் ஜெயம்ரவி கையாளுவது தொடர்பில் ஏற்க சங்கடங்கள் இருந்தாலும் படத்தின் வர்த்தக நோக்கம் கருதியதான அவ்வாறன காட்சிகளை ஜனநாதன் படத்தில் சொல்லிய மற்றைய கருத்துக்களுக்காக மன்னிக்கலாம் என நினைக்கிறேன். ஒன்றுமே செய்யாமல் இருப்பதை விட சினிமா முதலாளிகளை சமாளித்து அவர்கள் தேவையை பூர்த்தி செய்தவாறே தான் சொல்ல வந்த கருத்துக்களில் ஓரளவேனும் சொல்லியது சாதனையல்லவா. தணிக்கை குழு வெட்டியிராத வசனங்கள் இருந்திருப்பின் படம் இன்னும் வீரியமானதாக இருந்திருக்கும் என நினைக்கிறேன்.

படத்தில் தேவையே இல்லாத விடயங்கள் ஏன் என்று விளங்கவேயில்லை.

வடிவேலுவின் நகைச்சுவைப் பகுதி

பெண்கள் திடீரென உணர்ச்சி பெற்று கண்ணனுக்கு மையெல்லாம் இட்டு காளி,துர்க்கை என அகோரமாய் வில்லன்களோடு சண்டையிடுவது.

இறந்த பெண்ணை அடக்கம் செய்யும் போது கந்த சஷ்டி கவசம் ஒலிப்பது.

இருந்தாலும் கொஞ்சம் நிறையவே குறை இருந்தாலும் நிறைவானப் படம்.

பா இளையராஜா இசையும் இத்தாலியில் மாலினிக்கு விருதும்

"பா" ஹிந்தி திரைப்படத்தின் பாடல்கள் வெளிவந்துருக்கின்றன. இந்த மனுஷனுக்கு ஏன் இன்னும் ஹிந்தி திரையுலகில் சரியான break அமையவில்லை என அமிதாப் இளையராஜாவை சிலாகித்ததாய் அறிந்தேன். இளையராஜாவின் பின்னணி இசையின்றி படம் பார்த்த போது ஜீவனின்றி இருந்ததாம். அமிதாப்புக்கு இப்போதுதான் தெரிந்திருக்கிறது 1980 களில் இருந்தே தமிழர்கள் அறிந்து வைத்திருப்பது. ஏற்கனவே இதே பால்கியின் இயக்கத்தில் அமிதாப் நடித்து வெளிவந்த சீனிகம் படத்தில் குழலூதும் கண்ணனுக்கு, மன்றம் வந்த தென்றலுக்கு பாடல்களின் மெட்டை பயன்படுத்திய ராஜா இதிலே எனக்கும் ரொம்பவும் பிடித்த "சங்கத்தில் பாடாத கவிதை " பாடலின் மெட்டை பயன்படுத்தியிருக்கிறார். நான் கேப்டனின் காட்சிகளை பார்க்க பயந்து கேட்க மாத்திரமே செய்த பாடல்.
ஹிச்சய்கி ஹிச்சய்கி, ஹல்கே சோ போலே பாடல்களை கேட்ட போதும் எங்கேயோ கேட்ட உணர்வு.
அமிதாப் நன்றாக நடிப்பார் இங்கே அவரது குரலும் நடிக்கிறது மேரே பா பாடலில்.

கிட்டத்தட்ட பிரட் பிட்டின் The curious case of benjamin button ஐ படம் ஒத்திருக்கும் என நினைக்கிறேன். ஆனால் அது போல வாழ்க்கை பின்னோக்கி நகரும் ஒருவனின் கதையாக அல்லாமல் முதிர்ந்த தோற்றம் கொண்ட சிறுவன் முகங்கொடுக்கும் பிரச்சினைகளை மையமாக கொண்டதாக.

நாம் ரசித்து என்ன செய்ய இங்கே ஒருவர் அமிதாப்பச்சனின் நடிப்பையே தரம் தாழ்த்திய இசையை இளையராஜா வழங்கியதாக விமர்சனம் எழுதி நமக்குத்தான் ரசனை போதவில்லையோ என்ற உணர்வை ஏற்படுத்தி விடுவார். என்ன செய்ய அவரே சொல்வது போல போதை தரும் அந்த எழுத்துக்களுக்கு சொந்தக்காரரை வாசிக்காமலும் இருக்கமுடியவில்லை.

பாட்டு இங்கே போய் கேட்கலாம்

மாலினி சிவாஜியோடு

நம்மூர் மாலினி பொன்சேகாவுக்கு, இத்தாலியின் (நமக்கு இத்தாலி என்றவுடன் ஞாபகம் வருவது முசோலினியும் இன்னொரு பாசிஸ்ட் பெண்மணியும்தான்) Levante international film festival இல் அவர் நடித்த ஆகாச குசும் (ஆகாய பூக்கள்) படத்திற்காக சிறந்த நடிகைக்கான விருதை பெற்றிருக்கின்றார். ஜோ அபேவிக்கிரம, நீட்டா பெர்னாண்டோ வரிசையில் இவரும் சேர்கிறார். சிங்கள சினிமாவின் ராணி என்ற அடைமொழியோடு அழைக்கப்படும் இவர் சிவாஜி ஜோடியாக பைலட் பிரேம்நாத் படத்தில் நடித்திருக்கிறார்.

இது சிவாஜியோடு நடித்த போதல்ல தற்போதைய படம்

சிங்கள் சினிமாவின் மீது எனக்கு எப்போதும் ஒரு வியப்புண்டு லெஸ்டர் ஜேம்ஸ் பீரிஸ் ஆரம்பித்து வைத்த விருதுக்கான படங்களை எடுக்கும் மரபு இன்னமும் தொடர்வது ஆச்சரியமானது. அதிலும் மேற்கண்ட படத்தை எடுத்த பிரசன்னா விதானகே இலங்கையின் மணிரத்னம் என அறியப்படுபவர் ( என்னைக் கேட்டால் அவரை விட மேல்) . இலங்கை போன்ற ஒரு நாட்டில் இருந்துகொண்டே இராணுவத்தையும் அரசையும் விமர்சித்த இவரது புரசந்த களுவர (பௌர்ணமி இரவு) ஒரு முக்கிய படைப்பு. பின்னணி இசை கூட இல்லாமலே பார்வையாளனை காட்சிகளுக்குள் உள்ளீர்த்துக் கொள்ளக்கூடிய காட்சியமைப்புகள் இப்படத்தின் சிறப்பம்சம்.

அசோகா ஹந்தகம, விமுக்தி ஜெயசுந்தர போன்றோரின் படைப்புகள் கூட முக்கியத்துவம் மிக்கதே.
ஏனோ தமிழக சினிமா விமர்சகர்கள் சிங்கள படங்களை அவ்வளவாக கண்டுகொள்வதில்லை. அவர்கள் அதிகம் பார்ப்பதும் எழுதுவதும் ஈரானிய மற்றும் கொரியப் படங்களைப் பற்றித்தான். அதுவும் விமுக்தியின் சுலங்க எனு பினிஸ்ஸ (காற்று வருவதற்காக) போன்ற ஒரு படம் தமிழில் வருவதற்கும் அதை நம் கலாச்சாரக் காவலர்கள் ஜீரணிப்பதற்கும் இன்னும் பல வருடங்கள் தேவைப்படும். சாருவுக்கு படம் பிடிக்கலாம் பார்த்தாரெனில்.

மேலே நான் சொன்ன இயக்குனர்கள் எல்லாம் கோடிகளில் சம்பளம் வாங்குபவர்கள் அல்ல. தமிழருக்காக மேடைகளில் வாய் கிழிய பேசும் படைப்பாளிகள் தமது படைப்புகளில் மேலே கூறியவர்கள் செய்ததில் சிறிதளவாவது செய்திருக்கிரார்களா ?